FLASH
Shkruar nga Pamfleti
Një ngjarje e rëndë ka ndodhur mesditën e sotme në ambientet e spitalit Shefqet Ndroqi në Tiranë. Policia bën me dije se një 32-vjeçar mjek radiolog i spitalit ka goditur me mjet prerës, infermierin 37-vjeçar Mikel Osmani.
Sipas informacioneve, konflikti mes dy punonjësve ka nisur për motive të dobëta.
37-vjeçari po merr ndihmë mjekësore pas plagosjes, ndërsa 32-vjeçari është në kërkim nga policia.
"Tiranë/Informacion paraprak: Rreth orës 11:20, në ambientet e një spitali shtetëror, dyshohet se gjatë një konflikti për motive të dobëta, shtetasi D. Ç., rreth 32 vjeç, ka goditur me mjet prerës shtetasin M. O., rreth 37 vjeç, të dy punonjës të spitalit.
Shtetasi M. O. është në kujdesin e mjekëve.
Shërbimet e Policisë po punojnë për kapjen e shtetasit D. Ç.
Grupi hetimor po punon për dokumentimin e rrethanave të rastit", njofton poicia.
Lini një Përgjigje