Të shtëna me armë zjarri janë regjistruar mbrëmjen e sotme në qytetin e Librazhdit, ku një person ka qëlluar me armë drejt një lokali dhe më pas është larguar me makinë.
Për pasojë ka mbetur i plagosur shtetasi Shpëtim Skura, i cili është dërguar menjëherë në spitalin e Librazhdit dhe ndodhet jashtë rrezikut për jetën.
Sipas informacioneve paraprake shkak i të shtënave është bërë një sherr mes disa të rinjve dhe dyshohet se autor është Albi Biçaku, 25 vjeç.
Ndërkohë që policia ka mbërritur në vendngjarje dhe po punon për zbardhjen e plotë të dinamikës së ngjarje.