FLASH
Shkruar nga Pamfleti
Elton Thoma Zoto është 40-vjeçari shqiptar që u arrestua orët e paradites në zonën Kolonos në Athinë pasi tentoi të grabisë një bankë në qendër të kryeqytetit të Greqisë.
Sipas policisë, Elton Thoma Zoto, hyri fillimisht në bankë dhe nën kërcënimin e një thike mundi të grabisë rreth 4mijë euro nga banka.
Më pas ai tentoi të largohet por policia ishte më pak se 50 metra nga vendi i grabitjes dhe sapo ra alarmi, dy policë vrapuan për të parë nga afër shkakun e alarmit. Punonjësit e policisë panë Zoton që po tentonte të largohej me një motor.
Menjëherë filloi ndjekja dhe rreth 300 metra më tej, policët e rrëzuan autorin në tokë. I armatosur me thikë, Zoto goditi njërin prej policëve duke e plagosur lehtë, ndërsa një tjetër polic shtiu me armën e shërbimit dy plumba mbi Zoton duke e lënë të plagosur rëndë.
Ai u dërgua në spital dhe po lufton për jetën, ndërsa polici që shtiu mbi të, u ndalua me urdhër të prokurorisë deri në sqarimin e rrethanave.
Elton Zoto rezulton me precedent penal në Greqi. Ai është i akuzuar për krime që kanë lidhje me drogën.
Lini një Përgjigje