FLASH
Shkruar nga Pamfleti
Një shpërthim me tritol ka ndodhur gjatë orëve të natës në një biznes në Kuçovë.
Mësohet se sasia e lëndës plasëse është vendosur në një kompani që shet dhe jep me qira makina në lagjen Postobllok.
Raportohet se tritoli ishte vendosur pranë derës së 'Autosallon Skënderi' në pronësi të 5 vëllezërve, njëri prej tyre polic bashkie. Gëzim Skënderi ka deklaruar se nuk ka probleme apo konflikte me asnjë person.
Si pasojë e shpërthimit janë shkaktuar vetëm dëme materiale dhe nuk ka persona të lënduar. Uniformat blu vijojnë hetimet për identifikimin dhe kapjen e autorit/autorëve.
“Gjatë natës, në lagjen Postobllok, Kuçovë, në biznesin në pronësi të shtetasit G. S., dyshohet se ka plasur një sasi e vogël lënde plasëse, e vendosur pranë derës së biznesit.
Si pasojë janë shkaktuar vetëm dëme materiale. Nuk ka persona të lënduar.
Grupi hetimor po vijon punën për identifikimin dhe kapjen e autorit/autorëve, si dhe për zbardhjen e plotë të rrethanave të ngjarjes”, njoftoi sot policia.
Lini një Përgjigje