FLASH
Shkruar nga Pamfleti
Një zjarr ka rënë në spitalin e Shkodrës mëngjesin e sotëm. Mësohet se flakët kanë përfshirë një nga dhomat e kirurgjisë në katin e katërt të Spitalit Rajonal. Sipas njoftimit të policisë, ka pasur vetëm dëme materiale dhe asnjë pacient nuk është lënduar.
"Rreth orës 07:05, të mëngjesit të sotëm, në katin e katërt të Spitalit Rajonal Shkodër, në një nga dhomat e Repartit të Kirurgjisë, ka rënë zjarr.
Shërbimet e Policisë dhe zjarrfikësit shkuan menjëherë në vendngjarje.
Ndërhyrja në kohë e shërbimeve bëri të mundur neutralizimin e flakëve, duke mos lejuar përhapjen e flakëve në dhomat e tjera si dhe shuarjen e plotë të zjarrit.
Nga zjarri nuk ka persona të lënduar, vetëm dëme materiale.
Grupi hetimor vijon punën për zbardhjen e shkakut të rënies së zjarrit, paraprakisht dyshohet aksidental", thuhet në njoftimin e policisë.
Lini një Përgjigje