Kulture27 Nëntor 2023, 13:36

Studentja nga Shkupi hap bibliotekën e parë shqipe në Manastir

Shkruar nga Pamfleti

Studentja nga Shkupi hap bibliotekën e parë shqipe në Manastir

Qyteti i Manastirit në Maqedoninë e Veriut, me rastin e 115 vjetorit të "çimentimit" të alfabetit të gjuhës shqipe, fitoi një bibliotekë me libra në gjuhën shqipe, që mban emrin "Linkest".

Biblioteka u jetësua me iniciativën e një studenteje dhe shumë donatorëve të tjerë, të cilët kontribuan financiarisht por edhe duke sjellë libra shqip për pasurimin e bibliotekës.

Iniciativa lindi vitin e kaluar. Qëllimi i kësaj nisme nga studentja, Emira Selimi, ishte shpëtimi i gjuhës shqipe nga asimilimi në Manastir.

"Unë jam iniciatorja e hapjes së parë të bibliotekës shqiptare në qytetin e Manastirit. Kjo ide lindi nga momenti kur unë në vitin 2021 fillova të bëj një hulumtim në qytetin e alfabetit në lidhje me gjurmët e shqiptarëve ortodoks atje. Në momentin kur unë fillova të gjurmoj aty, kuptova edhe fatin e shqiptarëve të sotëm që kanë mbetur në qytetin e Manastirit. Statistikat tregonin se në Manastir ishin vetëm 5% shqiptarë ndërsa këto 5% ishin vetëm ato që kishin mbiemrat e shqipëruar, ndërsa pjesa më e madhe ishin me mbiemra të sllavizuar dhe të turqizuar dhe këto shqiptarë me këto mbiemra në statistika pavarësisht se deklarohen shqiptar ato nuk shkruhen në statistika të tillë. Nënkupton në Manastir t’i mund të jesh gjithçka vetëm shqiptar jo. Më pas kuptova që shqiptarët atje po humbnin gjuhën shqipe, shqiptarët në Manastir e flasin shqipen me shumë pengesa dhe kjo është si pasojë e mungesës së shkollës së mesme shqipe por edhe të literaturës shqip, dhe një bibliotekë e pasuruar me libra shqip do i mbroje shqiptarët atje nga asimilimi dhe mbrojtja e gjuhës anëtare shqipe", tha ajo.

sander ruci zef deda 20 vjet