FLASH
Shkruar nga Pamfleti
Anëtari i Këshillit Kombëtar të PD-së, Besart Logu ka lëshaur akuza të forta për Sali Berishën dhe Ilir Metën se po tentojnë të blejnë vota me 14 Maj.
Ai thotë se persona të caktuar që dalin nga krimi i organizuar po tentojnë që të blejnë votues dhe komisionerë.
“I bëj thirrje çdo demokrati që të marrë me rezerva të gjitha thirrjet që bën Berisha, të gjitha diversionet që bën Meta, të gjitha diversionet që bëjnë mediat pranë tyre duke nisur që me prezantimin që i bëjnë Berishës si kryetar i PD apo kandidatët e tjerë që bëhet për 1 qëllim, të konfuzojnë votuesit, të mos harrojnë që thellimi i këtyre veprimeve mund të çojë në vepra penale. Edhe persona që ndjekin dhe tentojnë të shpërndajnë sepse ka informacione, kanë dalë segmentet pranë krimit të organizuar, të kolaicionit Berisha-Meta që tentojnë të blejnë votues.
Të bëjnë kujdes se janë në monitorim. PD nuk do të falë asnjë votë, qoftë kjo e blerë të cilën do e kallëzojmë në prokurori, qoftë nga komisionerë apo votues që do të tentojnë të ndryshojnë vullnetin e votuesve kryeqytetas por edhe të gjithë Shqipërisë. PD ka hyrë në këto zgjedhje, do mbrojë çdo votë të dhënë për kandidatin, Bejkon dhe PD”, tha në Report Tv.
Po ashtu, Logu u shpreh se Berisha ka mbështetjen e militantëve, jo të anëtarësisë apo të votuesve.
“Berisha ka shumicën e militantëve por anëtarësia është më e gjerë se rrethi i militantëve, votuesit e PD janë më të gjerë se rrethi i anëtarësisë, votuesit gri dalin më tepër. Vijnë duke u zgjeruar rrethet e votuesve dhe grupe të caktuara interesi”, tha Logu.
Lini një Përgjigje