Politike21 Shkurt 2023, 18:10

Berisha akuza Ramës: Me ndihmën e diplomatëve të korruptuar tentoi të na asgjësonte, do japë llogari

Shkruar nga Pamfleti

Berisha akuza Ramës: Me ndihmën e diplomatëve të korruptuar

Ish kryeministri, Sali Berisha ka thirrur këtë të martë Këshillin Kombëtar për të diskutuar mbi protestën e 3 marsit.

Ai ka akuzuar sërish kryeministrin Rama se në bashkëpunim me diplomatë të korruptuar, ka sulmuar forcën e tij politike me qëllim që të merrte të gjithë pushtetin.

Në rrethana, në të cilën u vërsulen ndaj nesh me tërbim, mafia qeveritare më e rrezikshme në Evropë, mafia e Edi Ramës, besëprerët në gjirin e kësaj partie, por duhet të pranojmë më shumë se kaq, mafia me e fuqishme ndërkombëtare. Në bashkëpunim me diplomatë të korruptuar deri në palcë, të cilët na sulmonin vetëm e vetëm që i gjithë pushteti ti përkiste një njeriu, Edi Ramës. U etiketuam me të gjitha format, antiamerikanë, koha provoi se ne ishim dhe mbetemi proamerikanët e vërtetë në këtë vend. U etiketuam antieuropian, koha tregoi se ashtu siç u themeluam, qëndruam si parti e vokacionit perëndimor”, tha Berisha.

Gjithashtu Berisha nuk la pa përmendur rastin “McGonigal”, të cilin e konsideroi një grusht kundër demokracisë dhe një tentativë të Ramës për të asgjësuar Partinë Demokratike.

Dështoi çdo përpjekje për asgjësimin tonë. Asgjësim i cili filloi duke paguar si vrasës me pagesë kryezbuluesin e botës dhe duke mobilizuar llum majtas e djathtas për të fshirë nga faqja e dheut PD-në. Historia do flasë dhe do i dënojë këto akte makabre korrupsioni të një grushti të vërtetë shteti kundër demokracisë. Ja ku jemi, të palëkundur në besimin tonë, në vokacionin tonë perëndimor”, tha Berisha.

berisha akuza ramës