FLASH
Shkruar nga Pamfleti
Kreu demokrat, Sali Berisha, në vijim të fushatës për zgjedhjet parlamentare të 11 majit u ndal në një takim te familja e vjetër tiranase Kazani.
Berisha u shpreh se është mirënjohës pafundësisht ndaj komunitetit tiranas, një komunitet i mrekullueshëm, qytetar.
“Një komunitet me standarde morale shumë të vyera, të çmuara, burra dhe gra me dinjitet njerëzor të faktuar, provuar në çdo rrethanë.
Por, meqë jemi këtu, unë mund të them me shumë kënaqësi se komuniteti që mund diktatorët, jeni ju.
Kjo është e vërteta.
Një ditë kaloja në treg, dhe një zonjë më tha se, unë tha, kam qenë komisionere në lagjen ku u mund Ramiz Alia. Dhe, e vërteta është se, atë fat do pësojë dhe edhe Edi Rama kësaj radhe.
PD është parti konservatore në kuptimin, pra, një parti e traditës. Ajo beson se, traditat kanë vlera të pa shuara, kanë vlera të përjetshme. Familja ka vlera të përjetshme, ndaj dhe ne kemi në piedestal familjen.
Ne besojme se, prona është bazë e ndërtimit të prosperitetit të një familje, shoqërie dhe në këtë kontekst ju garantoj se, pavarësisht se nuk ka arritur gjatë viteve të qeverisjes qëllimet e saj, PD nuk tërhiqet gjersa të përmbushë këtë mision dhe e konsideron zgjidhjen e çështjen e zgjidhjes së pronësisë një mision të sajin, të domosdoshëm për paqen, drejtësinë për moralin e një shoqërie”, tha Berisha.
Lini një Përgjigje