FLASH
Shkruar nga Pamfleti
Procesi i numërimit të votave brenda vendit ka mbarur, por vijon numërim i votave nga jashtë, ku janë edhe gjysma e zarfeve. Ndërkohë paralelisht vijon numërimi për votën preferenciale. Më poshtë po sjellim një pasqyrim të situatës nga vota e diasporës dhe kush janë fituesit aktualë të votës individuale.
Vota e Diasporës
Numërimi i votave të diasporës vijon me ritëm të ngadaltë, por me mesazhe të qarta politike. Nga 194.889 zarfa gjithsej, janë hapur deri tani 98.476, dhe rezultati tregon se Partia Socialiste e Shqipërisë ruan epërsinë absolute edhe jashtë kufijve.
PS ka siguruar 52.834 vota, që përfaqësojnë 54.13% të totalit të votave të numëruara deri tani nga diaspora. Një dominim i pastër, që tregon se edhe shqiptarët që jetojnë e punojnë në emigrim – përtej zhurmës politike të brendshme – vazhdojnë t’i japin besimin Edi Ramës.
Në vend të dytë renditet Koalicioni PD-ASHM me 27.653 vota (28.33%), ndërsa “Nisma Shqipëria Bëhet” mbledh 8.217 vota (8.42%), duke treguar njëfarë impakti në diasporë, ndonëse jo aq sa për të përmbysur balancat. Partia “Mundësia” ka marrë 3.501 vota (3.59%), ndërsa PSD ka arritur vetëm 1.141 vota.
Ndërkohë, partitë e vogla si Lëvizja Bashkë (2.557 vota), Koalicioni Euroatlantik, Lëvizja Atdheu dhe Djathtas për Zhvillim mbeten në nivele simbolike, pa ndonjë ndikim real në ndarjen e mandateve.
Ky rezultat i diasporës është një tjetër sinjal se opozita jo vetëm që nuk arriti të mobilizonte emigrantët, por dështoi të përçonte një mesazh alternativ bindës. Me një PS që dominon edhe në kutitë jashtë vendit, përfundimi i këtij procesi mund të përforcojë akoma më shumë avantazhin e saj në qarqet ku gara mbetet e hapur.
Gara individuale
Ndërsa numërimi i votave brenda vendit ka përfunduar dhe rezultati paraprak për ndarjen e mandateve është bërë publik, gara në listën e hapur vijon me intensitet, veçanërisht në Tiranë. Një vend i vetëm nga 13 mandatet e PD-së në kryeqytet varet nga vota popullore – dhe ai vend është bërë arenë për një duel të ndjeshëm mes dy prej figurave më të respektuara të Partisë Demokratike: Jorida Tabaku dhe Ilir Alimehmeti.
Deri më tani, Alimehmeti kryeson me një diferencë të ngushtë prej vetëm 30 votash ndaj Tabakut (5899 me 5869), por qindra zarfa nga diaspora që ende nuk janë numëruar mund të përmbysin gjithçka. Një epërsi minimale, që e bën këtë garë më të paparashikueshmen në këto zgjedhje.
Ky duel ka marrë një rëndësi të veçantë për shkak të profilit të kandidatëve. Alimehmeti, mjek dhe figurë publike me reputacion qytetar, është futur në këtë garë me mbështetjen e drejtpërdrejtë të votuesve, ndërsa Tabaku – ish-deputete dhe eksperte e çështjeve ekonomike – përfaqëson një nga figurat më të formësuara brenda PD-së tradicionale. Ironikisht, asnjëri nuk ishte përfshirë në 12 emrat e sigurt nga lista e mbyllur, për shkak të vendimeve të Sali Berishës për të favorizuar emra të afërt dhe besnikë të linjës së tij.
E njëjta situatë shfaqet edhe në qarqe të tjera ku votat e listës së hapur mund të ndikojnë mbi përbërjen e fundit të Kuvendit. Në Elbasan, Fier dhe Vlorë ka ende kandidatë që shpresojnë të fitojnë përmes votës së drejtpërdrejtë, duke përmbysur hierarkinë e imponuar nga krerët partiakë.
Tiranë (PS 18 mandate, PD 13, PSD 1, Mundësia 2, Shqipëria Bëhet 1, Lëvizja Bashkë 1)
PS
1. Edi Rama
2. Ogerta Manastirliu
3. Elisa Spiropali
4. Lindita Nikolla
5. Taulant Balla
6. Adea Pirdeni
7. Albana Kociu
8. Igli Hasani
9. Delina Ibrahimaj
10. Ilva Gjuzi
11. Iris Luarasi
12. Erjon Malaj
13. Blendi Gonxhja, 11871 vota
14. Ervin Hoxha, 8887 vota
15. Erion Braçe, 7383 vota
16. Fatmir Xhafaj, 6320 vota
17. Ornaldo Rakipi, 4517 vota
18. Anila Denaj, 2975 vota
19. Xhemal Qefalia, 2722 vota, por mund ta marrë mandatin Olta Xhaçka mbi bazë gjinore
PD
1. Sali Berisha
2. Edi Paloka
3. Albana Vokshi
4. Belind Këlliçi
5. Flamur Noka
6. Jozefina Topalli
7. Besart Xhaferri
8. Fatmir Mediu
9. Erisa Xhixho
10. Klevis Balliu
11. Mesila Doda
12. Tedi Blushi
13. Jorida Tabaku (5869) & Ilir Alimehmeti (5899)
Mundësia
1. Agron Shehaj
2. Erald Kapri
PSD- Albana Pëllumbi
Lëvizja Bashkë- Redi Muçi
Shqipëria Bëhet- Ana Dajko
Berat (PS 5 mandate, PD 2)
PS
1. Ervin Demo
2. Enriketa Jaho
3. Hysen Buzali, 8209 vota
4. Fadil Nasufi, 6327
5. Hatixhe Konomi, 3372 vota (mbi bazë gjinore)
PD
1. Eno Bozdo
2. Zija Ismaili
Durrës (PS 8 mandate, PD 6)
PS
1. Klodiana Spahiu
2. Milva Ekonomi
3. Loer Kume
4. Skënder Pashaj
5. Aurora Mara
6. Arkend Balla, 12249 vota
7. Ani Dyrmishi, 7887 vota
8. Ilir Ndraxhi, 5202 vota, por futet Dorina Laçi mbi bazë gjinore
PD
1. Oerd Bylykbashi
2. Gent Strazimiri
3. Manjola Luku
4. Artan Luku (PAA)
5. Igli Cara
6. Arian Ndoja, 6156 vota
Dibër (PS 3 mandate, PD 2)
PS
1. Blendi Klosi
2. Alma Selami
3. Agron Malaj, 12616 vota
PD
1. Xhelal Mziu
2. Denisa Vata
Elbasan (PS 10 mandate, PD 4)
PS
1. Arbjan Mazniku
2. Bora Muzhaqi
3. Adi Qose
4. Evis Kushi
5. Ermal Elezi
6. Sara Mila, 15275 vota
7. Olsi Komici, 8523 vota
8. Saimir Hasalla, 8223 vota
9. Aulona Bylykbashi, 6410 vota
8. Agron Gaxho, 4892 vota
PD
1. Tomor Alizoti
2. Edmond Haxhinasto
3. Klodjana Çapja
4. Blendi Himçi
(Aurel Bylykbashi mbetet jashtë)
Fier (PS 12 mandate, PD 4)
PS
1. Belinda Balluku
2. Petrit Malaj
3. Kiduina Zaka
4. Erjo Mile
5. Ana Nako
6. Klevis Jahaj, 11197 vota
7. Asfloral Haxhiu, 11088 vota
8. Ceno Klosi, 7307 vota
9.Elton Korreshi, 5620 vota
10. Antoneta Dhima, 5085 vota
11.Dhimitër Kruti, 3478 vota
12. Maldrita Bardho, 3334 vota
PD
1. Gazment Bardhi
2. Luan Baçi
3. Saimir Korreshi
4. Brunilda Haxhiu (futet si kuotë gjinore)
Gjirokastër (PS 3 mandate, PD 1)
PS
1. Mirela Kumbaro
2. Tërmet Peçi, 9468 vota
3. Piro Dhima, 6902 vota
PD- Tritan Shehu
Korçë (PS 6 mandate, PD 4 )
PS
1. Niko Peleshi
2. Romina Kuko
3. Genti Lakollari
4. Ilirian Pendavinji, 9522 vota
5. Bledi çomo, 9217 vota
6. Arian Jaupllari, 7130 vota, por futet Besa Spaho mbi bazë gjinore
PD
1. Ivi Kaso
2. Ledina Alolli
3. Bledion Nallbati
4. Fidel Kreka, 5602 vota
Kukës (PD 2 mandate, PS 1)
PS
1. Eduard Shalsi
PD
1. Flamur Hoxha
2. Shkëlqim Shehu, 7493 vota
Lezhë (PS 3 mandate, PD 4)
PS
1. Ulsi Manja
2. Ermal Pacaj
3. Pranvera Skana- 4361 vota ose Aurora Gjeloshi 4033 vota
PD
1. Agron Gjekmarkaj
2. Elda Hoti
3. Gjin Gjoni, 5787 vota
4. Aleksandër Lala, 3189 vota
Shkodër (PD 5 mandate, PS 4, PSD 2)
PD
1. Luçiano Boçi
2. Greta Bardeli
3. Ramadan Lika
4. Kliti Hoti
5. Bardh Spahia, 9383 vota
PS
1. Marjana Koçeku
2. Onid Bejleri
3. Xhenis Çela
4. Bujar Rexha
PSD
1. Tom Doshi
2. Sabina Jorgo
Vlorë (PS 9 mandate, PD 4)
PS
1. Blendi Çuçi
2. Zamira Sina
3. Erjona Ismaili
4. Pirro Vëngu
5. Damian Gjiknuri, 10031 vota
6. Vullnet Sinaj, 8757 vota
7. Ardit Bido, 7360 vota
8. Vasil Llajo, 4894 vota
9. Brunilda Mersini, 4892
PD
1. Bujar Leskaj
2. Vangjel Dule
3. Ina Zhupa
4. Atird Hoxha
Lini një Përgjigje