FLASH
Shkruar nga Pamfleti
Evi Kokalari, aktivistja shqiptaro-amerikane, e cila prej muajsh kritikon ashpër Sali Berishën, kreun e PD-së, edhe pse u shfaq si një mbështetëse e fortë e tij në muajt e fundit të 2021, ka publikuar një seri shifrash, që sipas saj tregojnë se shqiptarët nuk e duan kryedemokratin.
Kokalari shkruan se PD nën drejtimin e Berishës në zgjedhjet e 11 majit u tkurr me 35% ose 250 mijë vota më pak krahasuar me zgjedhjet e 2021, kohë kur kjo parti drejtohej nga Lulzim Basha.
Madje Kokalari shkruan se nëse në 11 maj, PD nuk do të ndihmohej nga Chris LaCivita, humbja do të ishte edhe më e thellë, ndërsa tkurrja e partisë do të ishte 50%.
Postimi nga Evi Kokalari
Faktet flasin vetë - shqiptaret nuk e duan Berishën.
PD
Në 2021- 730,000 vota
Në 2025 - 480,000 vota
Nën lidershipin e Berishës, PD-ja humbi 35% - 250,000 vota më pak. Humbje masive!!
Pa LaCivitan kjo humbje mund të ishte akoma më e thelle, pa frikë tek 50% humbje që do të thoshte shkatërrimi total i PD-së !!!!
***
PS
Në 2021 - 770,000 vota
Në 2025 - 730,000 vota
Diferenca 40,000 - 5% humbje
***
Partitë e vogla:
Në 2021 kishin 80,000.
Në 2025 në 190,000.
Rritje gati 240 %. Nëse 110,000 fitim votash erdhën nga PD-ja, dhe me to PD-ja do të kishte humbur.
***
Total:
Në 2021, 1,580,000 votues
Në 2025 1,400,000 votues
Rënie 180,000 ose 11.5% vendosën mos të votonin.
Dhe sikur këta të votonin për PD-ne, PD-ja prapë do kishte humbur.
Lini një Përgjigje