FLASH
Shkruar nga Pamfleti
Deputetja e Partisë Demokratike Ina Zhupa, i është bashkuar protestës së fermerëve në Konispol.
Përmbytjet e disa ditëve më parë dëmtuan prodhimet e fermërëve, të cilët janë lënë në mëshirë të fatit nga shteti.
Demokratja i bën thirrje qeverisë t'i ndihmojë në rastet e fatkeqësive natyrore duke theksuar se duhet të kontrollohen abuzimet në treg dhe të ndalohet shfrytëzimi i fermerëve nga grumbulluesit.
Zhupa deklaron se është krah fermerëve, duke shtuar se zërin e tyre do të çojë në Kuvend dhe amendamentet e buxhetit 2026.
"Ju bashkova protestës së fermerëve të Konispolit.
Fermerët tanë janë lënë në mëshirë të fatit nga shteti, të goditur nga përmbytjet duke ju prishur pjesë e madhe e prodhimit dhe nga presionet për uljen e çmimit nga grumbulluesit.
Ata janë sulmuar me fushata të rreme dezinformimi për të justifikuar blerjen e mandarinave me cmim të lirë që nuk justifikon as kostot.
Jam në krahun e tyre dhe zërin e tyre do ta çoj në Kuvend dhe në amendamentet e buxhetit 2026.
Mandarinat e Konispolit janë cilësore, të sigurta dhe vijnë nga puna e ndershme e fermerëve tanë. Qeveria duhet ti ndihmoj në rastet e fatkeqësive natyrore dhe të kontrolloj që mos ketë abuzime në treg për të shfrytëzuar punën e ndershme të fermerëve nga grumbulluesit", shkruan Zhupa në një postim në "Facebook".
Lini një Përgjigje