FLASH
Shkruar nga Pamfleti
Ish-deputeti i Partisë Demokratike Ervin Salianji, ka folur me tone të ashpra nga takimi me demokratët e Lezhës. Ai tha se lidershipi i PD nuk po reflekton, edhe pas takimeve masive që po zhvillon me bazën.
Salianji deklaroi se PD-në nuk e lënë të ndryshojë ata të cilët i quajti si “pesëshja fantastike” dhe që nuk duan të humbin privilegjet në opozitë.
Salianji tha gjithashtu se ai nuk do të krijojë forcë tjetër politike, por theksoi se shtëpia e tij është Partia Demokratike.
"Lidershipi i PD nuk po zgjohet pavarësisht nga takimet tona masive në terren. Guximi për të thënë marrëzira i ka çuar deri aty që ça nuk thonë për demokratët që mbushin sallat, ça nuk thonë edhe për mua. Nuk ka gjë. Mos u mërzisni. Njerëzit e trembur nga humbja e privilegjeve nga pushteti i opozitës ça nuk do thonë. Unë jam i lindur në PD, nuk kam qenë në Partinë e Punës, kam qenë në PD në opozitë me Qeverinë. Familja ime dhe unë kemi marrë vetëm kosto, as tendera, as leje, asnjë të punësuar në shtet, nuk kam familjarë, nipa e mbesa të punësuar në administratë, as familjarë që furnizohen ekonomikisht nga PS.
Lidershipi tha se opozita është e vështirë, por pyetja ime është e sinqertë; a e ndjejnë opozitarizmin njerëz që kanë 35 vite që paguhen me rrogë për shkak të sakrificës së demokratëve dhe përballjes me regjimin. Ua them qartësisht, unë nuk krijoj forcë tjetër politike, shtëpia ime është PD, PD-në do ta ndryshojmë, PD-në do ta bëjmë fituese. Shqetësimi në PD nuk është për mijëra demokratë që po flasin, por si “5 fantastikët” që rrinë në lidership nuk i dëgjojnë shqetësimet e demokratëve”, u shpreh demokrati.
Lini një Përgjigje