Politike28 Prill 2023, 22:30

Sondazhi/ Shumica e qytetarëve kërkojnë debat publik mes Veliajt dhe Këlliçit

Shkruar nga Pamfleti

Sondazhi/ Shumica e qytetarëve kërkojnë debat publik mes Veliajt

69.6% e kryeqytetasve duan të shohin një debat publik mes kandidatëve dhe 14.6% nuk duan.

Sipas “Barometrit” të “EuroNews”, qytetarët që duan më së shumti të shohin një përballje mes kandidatëve janë votuesit e majtë me 76.1% pasuar nga votuesit e djathtë me 71.8% dhe të pa identifikuarit politikisht me 51.2%.

Ata që nuk duan të shohin një debat publik janë më shumë votues të pa identifikuar politikisht pasuar nga votuesit e majtë me 13.8% dhe votuesit e djathtë me 12.2%.

Ndërkohë 85.3% e qytetarëve janë përgjigjur se do të marrin pjesë në zgjedhjet e 14 majit dhe 13.5% e qytetarëve të Tiranës nuk do të marrin pjesë në zgjedhje.

Dëshira për të marrë pjesë në zgjedhje është rritur në tre muaj nga 81.2% që ishin në shkurt në 81.8% në mars dhe ka shkuar në 85.3% në prill.

Numri i qytetarëve që nuk do të marrin pjesë në zgjedhje është ulur nga 15.4% në shkurt në 15.6% në mars dhe në prill ka shkuar 13.5%.

Më shumë meshkuj nuk do të marrin pjesë në zgjedhjet e 14 majit me 16.7% ndërsa tek ata që nuk do të vijnë në zgjedhje 10.3% janë femra.

Kur i shohim sipas grup moshës ata që nuk do të marrin pjesë në zgjedhje më shumë janë të rijnë 18-24 vjeç pasuar nga grup mosha 35-44 vjeç me 17% dhe 45-54 vjeç me 16.6%.

Ndërsa ndarja sipas pozicionit gjeografik më shumë tek qytetarët që nuk do të marrin pjesë në zgjedhje janë të zonës urbane me 14.7% ndërsa zonat periferike me 8.1%.

Kur i shohim sipas ndarjes politike ata që nuk do të votojnë në 14 maj janë 40.1% të pa identifikuar politikisht, 7.8% demokrat dhe 6.6% socialistë.

veliaj kellici debat