Politike14 Mars 2023, 17:43

Vendimi kundër PD, justifikohet Celibashi: Partia më e madhe e opozitës duhet të marrë pjesë në zgjedhje, por jo duke shkelur ligjin

Shkruar nga Pamfleti

Vendimi kundër PD, justifikohet Celibashi: Partia më e madhe e

Kryekomisioneri, Ilirjan Celibashi ka folur për gazetarët pas vendimit për të rrëzuar kërkesën e grupimit të drejtuar nga Enkelejd Alibeaj për të regjistruar Partinë Demokratike në zgjedhje. Ai tha se Lulzim Basha duhet të firmoste deklaratën solemne në mënyrë që të plotësohej dokumentacioni i plotë.

Ai ju është përgjigjur edhe pyetjeve të gazetarëve lidhur me çështjen dhe akuzat e bëra nga palët, se ai është ndikuar politikisht për marrjen e një vendimi të tillë.

Celibashi tha se e kupton rëndësinë e vendimit për mos regjistrimin e PD-së në zgjedhje por shtoi se ka respektuar ligjin dhe se vendimi nuk është ndikuar nga askush. Ai shtoi se Partia Demokratike ka 3 ditë kohë për të bërë ankim mbi vendim në KAS.

Nuk e di se çfarë ka ndodhur më përpara dhe sa e kanë shkelur syrin të tjerët që kanë qenë në këtë detyrë. Ky rast nuk lë vend për interpretim. Qëndron edhe ajo që ju thatë që ka pasur të gjithë vullnetin dhe e kam kuptuar shumë mirë rëndësinë e kësaj çështje.

E kuptoj shumë mirë faktin që partia më e madhe e opozitës duhet të marrë pjesë në zgjedhje, por jo me çdo çmim sidomos në kurriz të shkeljes së ligjit. Që të kuptoni sa e rëndësishme është kjo po jap një të dhënë. Të gjithë kryetarët e partive politike që janë regjistruar deri tani, deklarata është nënshkruar nga kryetari i partisë, edhe në ato raste kur kryetari ka autorizuar persona të tretë për të paraqitur dokumentacionin për regjistri.

Ky dokument mund të nënshkruhet edhe nga një person i autorizuar. Zgjedhja ime si komisioner ka ardhur si rezultat i dakordësisë i partisë që qeveris, opozitës, pra PD dhe LSI në atë kohë. Nëse nuk do ishte ky konsesus nuk do kisha ardhur në këtë detyrë”, tha Celibashi.

 

celibashi vendimi pd