Kryeministri Edi Rama ka votuar paraditen e sotme rreth orës 10: 50 në shkollën "Ymer Lala" në Surrel.
Ai ishte i shoqëruar nga bashkëshortja e tij Linda Rama.
Pas hedhjes së votës, Rama në një deklaratë për mediat tha se qytetarët të mos dekurajohen, pavarësisht problemeve me identifikimin elektronik.
Ai i bëri thirrje qytetarëve të dalin të votojnë.
"Tani është momenti i gjithë qytetarëve që të thonë fjalën e tyre. Uroj shumë që situata e KQZ-së të mos ketë ndikuar në votim në ato zona ku nuk punuan aparaturat. Që të gjithë ata që mund të jenë dekurajuar të rikthehen në mënyrë që vullneti i tyre të vendoset i plotë për të gjithë kandidatit.", tha Rama në një deklaratë të shkurtër për gazetarët.
Lini një Përgjigje