Politike27 Prill 2023, 11:16

Vrasja e biznesmenit Nikulaj, ministri: Do të nisim urgjent letërporositë për homologët e huaj

Shkruar nga Pamfleti

Vrasja e biznesmenit Nikulaj, ministri: Do të nisim urgjent

Ministri i Drejtësisë, Ulsi Manja ka folur për vrasjen e biznesmenit Ardian Nikulaj në Lezhë.

Ministri tha për mediat se sapo të përgjatiten do të nisin me urgjencë letërporositë për 6 autorët e dyshuar dhe të nisin puna me homologët e vendeve të tjera.

“Unë nuk di se ka raste të refuzimit të ekstradimit, në të gjitha rastet që ka pasur kërkesa ne i kemi realizuar. Lidhur me ngjarjen e Lezhës jemi në bashkëpunim te ngushtë me prokurorinë ne momentin e parë qe do vijnë letërporsitë do i procedojmë menjëherë dhe do komunikojmë me homologet e huaj për shtetasit e përfshirë në këtë ngjarje të shëmtuar.Përgëzoj policinë e shtetit dhe prokurorinë, që në kohë rekord arritën që të zbardhnin një ngjarje kaq të shëmtuar.”, tha Manja.

Sipas Policisë  vrasja e Ardian Nikulajt në Shëngjin është bërë nga një shtetas portugez, Ruben Saraiva, me origjinë arabe.

Ai së bashku me bashkëpunëtorët e tjerë rezulton se është pritur në aeroportin e Rinasit nga Edmond Haxhia në një zonë të errët dhe të pa ndriçuar. Hetuesit kanë rënë në gjurmët e autorit të krimit falë disa faturave të marketeve në Shkodër.

Ai ka hyrë në Shqipëri në 14 Shkurt ndërsa ka qëndruar deri ditën e krimit duke u strehuar dhe ndihmuar në Lezhë dhe Shkodër nga Edmond Haxhia.

Ndërkohë që mësohet se Harry Simson, britaniku që vëzhgoi viktimën në hotel në Shëngjin, rezulton i dënuar në Britani për agresion dhe drogë.

Steven Hunt mësohet se ka pasur të njëjtin qëllim për kryerjen e vrasjes, ai ka ardhur 2 herë në vendin tonë, ka marrë informacion por s’ka mundur ta kryejë ekzekutimin.

Për vrasjen e Nikulajt, Gjykata ka dhënë ‘arrest në burg’ në mungesë për Ruben Saraiva, Harry Simson, Thomas Mithan, Steven Hunt, Harriet Bridgeman.

Mendohet se gruaja dhe njëri nga britanikët ndodhen në Greqi, ndërsa Harry Simson ka ikur më 19 Prill në Britani.

GRUPI I VRASËSVE TË DYSHUAR

Edmond Haxhia, shqiptaro-britanik

Ruben Saraiva, ekzekutori portugez

Harry Simson, britanik

Thomas Mithan, britanik

Steven Hunt, britanik në rolin e vëzhguesit

Harriet Bridgeman, britanike

manja nikulaj letërporositë për homologët e huaj