Kosova 1 Gusht 2023, 14:38

Kurti i bindet BE-së, nis procedurat për largimin e kryetarëve në veri

Shkruar nga Pamfleti

Kurti i bindet BE-së, nis procedurat për largimin e kryetarëve

Qeveria e Kosovës ka nisur procedurat për largimin e kryetarëve të zgjedhur në veri të Kosovës dhe shpalljen e zgjedhjeve të reja.

Pas pajtimit që ai bëri për shtensionim të situatës në veri të vendit, ministria e Administrimit të Pushtetit Lokal si përgjegjëse e çështjeve të pushtetit lokal ka filluar me përgatitjen e procedurave që do të mundësonin largimin e kryetarëve nga komunat veriore.

Kjo ministri tashmë ka caktuar grupin e punës për hartimin e Udhëzimit Administrativ për caktimin e procedurave për iniciativën e qytetarëve për largimin e kryetarëve të komunave.

Sipas vendimit të nënshkruar nga ministri, Elbert Krasniqi, ky grup duhet ta finalizojë projekt udhëzimin administrativ deri me 1 shtator 2023.

Në vendim thuhet që grupi i punës do të mbështetët nga zyra e BE-së, përfaqësues nga ambasadat dhe OSBE-ja.

kurti be procedura largim kryetaret