FLASH
Shkruar nga Pamfleti
Humbja e jetëve të tre fëmijëve nga shembja e një godine të pabanuar në Jabllanicë të Gjakovës, ka tronditur të gjithë vendin.
Policia bëri të ditur se ende nuk dihen rrethanat që kanë shkaktuar shembjen e këtij objekti.
Së fundi në media janë publikuar edhe pamjet nga kamerat e sigurisë, ku shihet momenti i shembjes së objektit të pabanuar.
Nga këto pamje shihet se shembja e tij ka ndodhur rreth orës 16:35, ndërkaq viktimat janë gjetur diku pas katër orëve.
Përparim Ademaj, banor i fshatit, rrëfeu momentet rrëqethëse të kërkimit të tyre nën rrënoja.
“Në telefon më thanë se s’janë lajmëruar nga ora 16:00”, tregon ai, ndërsa kujton momentin kur bashkë me prindërit e fëmijëve shkuan në vendngjarje.
Ai tregoi se duke i telefonuar, kanë dëgjuar dirdhjen e telefonave nën rrënoja.
“T’u fol me ta e pamë një objekt që është shemb. Duke i thirr në telefon, i kemi dëgju telefonat duke ju dridh ndër plloçë”, shtoi ai.
Lidhur me këtë rast tragjikë kanë reaguar krerët e institucioneve dhe partive politike, duke kërkuar hetim të plotë.
Lini një Përgjigje