Kosova 2 Dhjetor 2023, 08:54

Zbardhen detajet e reja për vrasjen e Liridonës, sekuestrohet pistoleta dhe makina e autorëve

Shkruar nga Pamfleti

Zbardhen detajet e reja për vrasjen e Liridonës, sekuestrohet

Policia e Kosovës ka dhënë detaje të reja në lidhje me vrasjen e Liridona Murselit, tre ditë më parë, e cila dyshohet se është ekzekutuar nga një vrasës me pagesë, krim që ishte porositur bashkëshorti i saj, Naim Murseli.

Në raportin policor 24-orësh, Policia sqaron se për krimin është konfiskuar një pistoletë me 19 fishekë dhe një makinë, që dyshohet se janë përdorur për vrasjen.

Tre të arrestuarit, me vendim të prokurorit janë dërguar në qeli.

“Rr. Dalip Alshiqi, Prishtinë 29.11.2023 – 20:18. Lidhur me rastin, janë identifikuar dhe arrestuar tre të dyshuar meshkuj kosovarë. Është gjetur dhe konfiskuar një pistoletë me 19 fishekë dhe një veturë që janë përdorur rast. Me vendim të prokurorit të dyshuarit janë dërguar në mbajtje”, thuhet në raport.

 

detaje vrasja liridona pistoleta makina