Showbiz25 Maj 2024, 21:28

Arrestohet këngëtarja Nicki Minaj

Shkruar nga Pamfleti

Arrestohet këngëtarja Nicki Minaj

Arrestohet këngëtarja Nicki Minaj. Ajo filmoi veten teksa arrestohej nga policia që e akuzon për drogë. Kjo ndodhi gjatë momentit kur ajo udhëtonte nga Amsterdami në Mancester për turin e saj të radhës ‘Pink Friday 2’.

Pavarësisht se e mohoi me forcë se ajo mbante ndonjë drogë, reperes 41-vjeçare iu tha se duhej të shkonte në komisariat. Në regjistrim, një burrë i shpjegoi asaj se “do duhet të marrësh një avokat“.

Gjatë videos, krijuesja e hiteve tha se asaj i thanë ‘të futej në furgon policie dhe të shkonte pa praninë e avokatit’.

Ajo më tej pretendoi se dikush që punonte për sigurinë e aeroportit i kërkoi asaj të bënte një ‘deklaratë pa praninë e avokatit’ pasi gjeti para në çantat që ata nuk ishin të autorizuar t’i merrnin.

Para arrestimit, Minaj ndau një seri postimesh në X (i njohur më parë si Twitter ), në lidhje me çantat e saj që u morën për një kontroll të plotë në aeroport.

“Ata kanë bërë gjithçka që munden për të provuar të ndalojnë këtë turne”, shkroi ajo në një postim në Twitter.