FLASH
Shkruar nga Pamfleti
Oprah Winfrey ka zbuluar së fundmi se për vite me radhë kishte mbajtur të fshehtë një incident që përfshinte këngëtaren legjendare Whitney Houston.
Sipas rrëfimit të saj, Houston kishte rënë nga skena gjatë ditës kur duhej të performonte në emisionin e Oprah Winfrey. Ajo tha se u kishte kërkuar të pranishmëve që të mos publikonin fotografi nga ngjarja, pasi besonte se kjo mund t’i dëmtonte rëndë imazhin këngëtares.
Winfrey shtoi gjithashtu se Houston kishte qenë e pastër nga droga gjatë një interviste të mëparshme, por më vonë ishte rikthyer te përdorimi i substancave dhe se incidenti në skenë kishte ndodhur kur ajo dyshohej se ishte nën ndikimin e tyre.
Deklaratat e saj kanë shkaktuar reagime të menjëhershme.
Përfaqësuesi i Whitney Houston ka reaguar për TMZ, duke i mohuar kategorikisht këto pretendime. Sipas tij, këngëtarja kishte rënë gjatë provës së zërit për shkak të errësirës dhe mosnjohjes së skenës, dhe jo për shkak të përdorimit të substancave.
Ai theksoi gjithashtu se nuk është e drejtë që çdo moment i jetës së saj të lidhet me varësinë, duke kërkuar që historia e Houston të trajtohet me kujdes dhe të bazohet në fakte.
Whitney Houston ndërroi jetë në shkurt të vitit 2012, në moshën 48-vjeçare. Sipas raportimeve zyrtare, shkaku i vdekjes ishte mbytja aksidentale në vaskë, ndërsa si faktorë u përmendën edhe sëmundja e zemrës dhe përdorimi i kokainës.
Ndërkohë, çështja ka rihapur diskutime në media mbi mënyrën se si trajtohen figurat publike dhe si interpretohen ngjarjet e së kaluarës në dritën e deklaratave të reja.
Lini një Përgjigje