FLASH
Shkruar nga Pamfleti
Princi Harry dhe bashkëshortja e tij, Meghan Markle, kanë akuzuar autorin Tom Bower për përhapje të “teorive të çmendura konspirative dhe melodramë” në biografinë e tij të re për familjen mbretërore britanike.
Sipas fragmenteve të publikuara nga “The Times”, Bower pretendon se Mbretëresha Camilla i kishte thënë një miku se Meghan e kishte “manipuluar” princin Harry. Ai shkruan gjithashtu se Meghan shihej nga Princi William dhe Catherine si një figurë përçarëse dhe një “kërcënim” për familjen mbretërore.
Përmes një deklarate, një zëdhënës i çiftit tha se autori ka kaluar kufirin nga kritika drejt një obsesioni personal. Sipas tyre, Bower ka ndërtuar karrierën duke krijuar teori të ndërlikuara për njerëz që nuk i njeh dhe nuk i ka takuar kurrë.
Libri trajton marrëdhëniet e tensionuara mes Harryt dhe vëllait të tij, princit William, si dhe jetën e çiftit pas largimit nga detyrat mbretërore në vitin 2020 dhe zhvendosjes në SHBA. Në të përmenden edhe projektet mediatike dhe bamirëse të çiftit, përfshirë marrëveshjet me Netflix dhe Spotify.
Titulli i librit është “Betrayal: Power, Deceit And The Fight For The Future Of The Royal Family” (“Tradhtia: Pushteti, Mashtrimi dhe Lufta për të Ardhmen e Familjes Mbretërore”) dhe pritet të dalë së shpejti. Ky është vazhdim i veprës së Bower-it të vitit 2022 për konfliktet brenda familjes Windsor.
Në një zhvillim tjetër, Netflix ka ndërprerë zyrtarisht bashkëpunimin me markën e diskutueshme të stilit të jetesës së Meghan Markle, As Ever, duke u referuar te seriali dy-sezonal të saj With Love, Meghan.
Një burim nga industria tha për Page Six: “Emisioni nuk vazhdoi më, kështu që nuk kishte kuptim të vazhdohej partneriteti.”
Një zëdhënës i Netflix shtoi: “Pasioni i Meghan për të zbukuruar momentet e përditshme në mënyra të bukura, por të thjeshta, frymëzoi krijimin e markës As Ever dhe jemi të lumtur që luajtëm një rol në realizimin e këtij vizioni.”
Lini një Përgjigje