FLASH
Shkruar nga Pamfleti
Kudo qofsh Flori dhe çfarëdo qofsh duke bërë, rikthehu! Ke bërë një brez të vallëzojnë dhe këndojnë këngët e tua, jemi të sigurtë që do e bësh edhe për brezat e ardhshëm…!
Kantautori i njohur Flori Mumajesi është zhdukur prej kohësh jo vetëm nga ekranet, por edhe nga jeta shoqërore e Tiranës. Ai reagoi në Instagram para pak kohësh ku shprehte mbështetjen e tij për Sara Gjordenin, si pasojë e konflikteve që kjo e fundit kishte me babain e saj, por asgjë më. Askush nuk di se ku është dhe me çfarë po merret tani këngëtari dhe kompozitori i super hiteve. Ka zëra që thonë se ai gjendet në Kosovë, ndërsa para disa vitesh u aludua se ishte i sëmurë nga mëlçia.
Ndërkohë që publiku e do dhe e kërkon, clubet gjithashtu e duan, pse nuk shfaqet Flori, i cili falë muzikës së tij na ka bërë shpesh të vallëzojmë, por pse jo, edhe të reflektojmë. Muzika në Shqipëri nuk është më e njëjta pa Flor Mumajesin, por jo vetëm. Thuajse gjysma e këngëtarëve shqiptarë kanë shkëlqyer vetëm falë këngëve të tij.
Mjafton të përmendim këtu Elvana Gjatën që ka prodhuar super hite, vetëm falë Florit, apo ngritjen e shkëlqyer të Ronela Hajatit e cila doli në pah me këngët e Florit. Sigurisht vajzat janë të talentuara të dyja, por muzika e Mumajesit ishte ajo që i bëri të ishin në maja dhe të dëgjoheshin kudo.
Në fillim të prillit të vitit 2019 u vu re se Flori u zhduk nga rrjetet sociale. Shumë bënë fajtor sëmundjen që ai kishte nga mëlçia, por disa të tjerë e interpretuan si një periudhë pauze të kantautorit. Ka të tjerë që thonë se "gjeniu i muzikës" së sotme është në depresion të thellë.
Ndërsa ditët e sotme, kanali i youtube-it të Florit i cili numëronte miliona klikime, nuk është më. Mesa duket ai është kujdesur ta “zhdukë” edhe kanalin e tij dhe të gjitha këngët që sot gjenden në këtë platformë janë hedhur nga fansat e tij.
Kudo qofsh Flori dhe çfarëdo qofsh duke bërë, rikthehu! Ke bërë një brez të vallëzojnë dhe këndojnë këngët e tua, jemi të sigurtë që do e bësh edhe për brezat e ardhshëm…!/Pamfleti
Lini një Përgjigje