FLASH
Shkruar nga Pamfleti
Një debat i fundit televiziv ka shkaktuar reagime të forta dhe indinjatë të gjerë publike, pasi Rogerti i është drejtuar Stenaldos me fjalët tronditëse se “e ka mallkuar Zoti”, duke iu referuar aftësisë së kufizuar në shikim.
Deklarata, e konsideruar nga shumëkush si fyese, diskriminuese dhe thellësisht çnjerëzore, ka nxitur reagim të menjëhershëm nga jashtë formatit.
Familjarët e Stenaldos, të cilët menaxhojnë edhe llogarinë e tij zyrtare në Instagram, kanë publikuar një reagim të fortë, duke dënuar gjuhën e përdorur dhe mentalitetin që ajo përfaqëson.
Në postimin e shpërndarë, ku shfaqet edhe videoja e momentit të ofendimit, familja thekson se përdorimi i figurës së Zotit për të justifikuar diskriminimin ndaj një personi me aftësi të kufizuara është i papranueshëm dhe i rrezikshëm.
“T’i thuash dikujt ‘Zoti të ka ndëshkuar kështu’ është thellësisht çnjerëzore. Mos e përdorni Zotin për të justifikuar urrejtjen, injorancën dhe mungesën totale të empatisë,”– thuhet në reagim.
Lini një Përgjigje