FLASH
Shkruar nga Pamfleti
Këshilli i FIFA-s zhvilloi një mbledhje të martën në Vancouver të Kanadasë, ku u shqyrtuan kërkesat e 48 federatave që do të marrin pjesë në Kupën e Botës 2026. Sipas vendimeve të marra, institucioni më i lartë i futbollit botëror ka miratuar rritjen e ndjeshme të fondit të shpërblimeve për skuadrat pjesëmarrëse dhe veçanërisht për ekipet që renditen në vendet e para.
Rritje e fondit total dhe mbështetje për delegacionet
Në deklaratën zyrtare bëhet e ditur se fondi total i shpërblimeve arrin në 871 milionë dollarë, rreth 15% më shumë se parashikimi fillestar. Gjithashtu, fonde shtesë janë parashikuar për delegacionet që do të qendrojnë në Shtetet e Bashkuara, Kanada dhe Meksikë, me qëllim mbulimin e kostove më të larta të organizimit dhe logjistikës.
Shpërblimet sipas renditjes
Edhe pse diferencat mbeten të ndjeshme, FIFA ka përcaktuar shpërblime për çdo fazë të renditjes:
Kampion i botës: 50 milionë dollarë (42,6 milionë euro)
Finalisti: 33 milionë dollarë (28,1 milionë euro)
Vendi i tretë: 29 milionë dollarë (24,7 milionë euro)
Vendi i katërt: 27 milionë dollarë (23 milionë euro)
Vendet 5–8: 19 milionë dollarë (16,2 milionë euro)
Vendet 9–16: 15 milionë dollarë (12,8 milionë euro)
Vendet 17–32: 11 milionë dollarë (9,4 milionë euro)
Vendet 33–48: 9 milionë dollarë (7,7 milionë euro)
Biletat dhe të ardhurat
Sipas të dhënave, të ardhurat nga biletat e rezervuara pritet të arrijnë në rreth 16 milionë dollarë, duke reflektuar interesin e lartë për këtë edicion të zgjeruar të turneut.
Organizimi i turneut
Kupa e Botës 2026 do të nisë më 11 qershor dhe do të zhvillohet në tre vende: Shtetet e Bashkuara, Kanada dhe Meksikë. Ky do të jetë edicioni i parë me 48 ekipe pjesëmarrëse.
Shqipëria dhe Kosova jashtë turneut
Shqipëria dhe Kosova tentuan të sigurojnë një vend historik në këtë Botëror, por u eliminuan në fazën e “play-off”-it, duke mbetur jashtë kompeticionit.
Lini një Përgjigje