FLASH
Shkruar nga Pamfleti
Duket se pritjes i ka ardhur fundi. Armando Broja është rikuperuar dhe tashmë prej ditësh po stërvitet intensivisht për t’u rikthyer në fushë në sfidën e ardhshme në Premier Ligë.
Mauricio Poçetino do të ketë një armë më shumë në repartin e sulmit, pasi sulmuesi shqiptar do të jetë nën urdhrat e tij pas ndeshjeve të kombëtareve. Broja humbi dy duelet e kuqezinjve me Çekinë dhe Poloninë për shkak të dëmtimit, por tashmë gjithçka ka marrë fund.
Në duelin që Çelsi do të luajë ndaj Bërnmuthit në Premier Ligë, sfidë e vlefshme për javën e 5 të kampionatit, pritet që Broja të marrë disa minuta. Kjo sfidë do të luhet më 17 shtator në orën 15:00.
Ka qenë vetë trajneri argjentinas që ka konfirmuar rikthimin e Brojës në fushë pas pauzës së kampionatit për shkak të ndeshjeve të kombëtareve.
Lini një Përgjigje