FLASH
Shkruar nga Pamfleti
Liverpuli nuk ka arritur të vazhdojë serinë pozitive pas fitores bindëse 4-0 ndaj Gallatasarajit në mesjavë dhe kualifikimit në çerekfinalet e Champions League. “Të kuqtë” janë mposhtur 2-1 në transfertë nga Brajtoni, në një sfidë të vlefshme për javën e 31-të në Premier Ligë.
Protagonisti kryesor i takimit ishte Deni Uellbek, i cili realizoi dy gola, nga një në secilën pjesë. Sulmuesi zhbllokoi rezultatin në minutën e 14-të me një goditje me kokë.
Liverpuli reagoi në minutën e 30-të, kur Milos Kerkez shfrytëzoi një gabim të mbrojtësit Luis Dank dhe barazoi shifrat në 1-1. Me këtë rezultat u mbyll edhe pjesa e parë.
Në pjesën e dytë, Brajtoni riktheu avantazhin. Në minutën e 56-të, Uellbek realizoi sërish, duke dërguar topin në rrjetë dhe duke vendosur rezultatin përfundimtar 2-1.
Me këtë fitore, Brajtoni ngjitet në vendin e tetë në renditjen e Premier Ligës. Ndërkohë, Liverpuli mbetet në vendin e pestë me 49 pikë, duke rrezikuar objektivin për një vend në Champions League sezonin e ardhshëm.
Lini një Përgjigje