FLASH
Shkruar nga Pamfleti
Talenti Roko Vata po rritet gradualisht tek ekipi i Uotford në Championship-in anglez, teksa numëron 2 gola dhe 2 asiste në 10 ndeshje. Kartoni i sulmuesit të majtë ka arritur deri në 1.8 milionë euro.
Roko është djali i legjendës së Kombëtares Rudi Vata. Edhe pse talenti në fjalë e ka bërë debutimin me përfaqësuesen e Irlandës, Rudi Vata në një prononcim të shkurtër për “RTSH Sport”, e ka lënë të hapur mundësinë që djali i tij të luajë për fanelën e Shqipërisë:
“Roko ka zgjedhur Irlandën, por nuk ka mbaruar asgjë, pasi e ka ende mundësime që të bëjë një zgjedhje tjetër, nëse dëshiron. Ka një klauzolë që duhet të luajë edhe 2 ndeshje zyrtare. A do e shihja pjesë të skuadrës së Silvinjos? Mendoj se do kishte qenë një alternativë e mirë”.
Rregulli është i qartë, çdo futbollist ka të drejtë të ndryshojë kombëtaren, nëse ka luajtur më pak se 3 ndeshje, gjithmonë nëse i ka luajtur këto sfida nën 21 vjeç.
Pak kohë më parë, Roko Vata i tha “JO” ftesës së kombëtares shqiptare, pasi i tha “PO“ ftesës së Irlandës.
Kujtojmë se Vata asnjëherë nuk ka veshur fanellën e Shqipërisë, pasi ka preferuar gjithmonë të veshë fanellën e Irlandës, duke luajtur për të gjithë grupmoshat e kësaj kombëtareje.
Lini një Përgjigje