FLASH
Shkruar nga Pamfleti
Kristi Qose është lojtari më i ri i Elbasanit. Mesfushori, i cili ka luajtur 3 ndeshje me Kombëtaren shqiptare, ka vendosur që të nisë një aventurë të re me klubin verdheblu.
29-vjeçari ka rënë dakord me drejtuesit e Elbasanit për të bashkëpunuar, me futbollistin që tashmë do të vihet nën urdhrat e trajnerit Roberto Bordin. Tek Elbasani e shohin si përforcimin ideal në repartin e mesfushës, duke blinduar kështu ekipin për sezonin e ardhshëm në elitë.
Për Qosen kjo është hera e parë që luan në Shqipëri, pasi më parë, mesfushori ka qenë pjesë e ekipeve si Iraklis, PAOK, Apollon, Panserraikos, Michalovce, Ruzomberok, Karvina, Viktoria Plzen dhe Kosice.
Qose ka luajtur 3 ndeshje me fanellën e Shqipërisë, teksa e fundit ka qenë si titullar në ndeshjen në “Air Albania” ndaj Francës në vitin 2019.
Lini një Përgjigje