FLASH
Shkruar nga Pamfleti
Vëmendja e futbollit evropian është përqendruar te shorti i UEFA Champions League, i cili do të hidhet të premten në orën 12:00. Ceremonia do të përcaktojë përballjet e fazës së eliminimit direkt, si dhe rrugëtimin e mundshëm të skuadrave deri në finale.
Tetë ekipe siguruan kualifikimin direkt: Arsenali, Bajerni i Mynihut, Liverpuli, Totenhemi, Barcelona, Çelsi, Sportingu dhe Mançester Siti.
Ndërkohë, tetë skuadra të tjera siguruan biletën përmes fazës “play-off”: Atalanta, Paris Saint-Germain (PSG), Gallatasaraji, Real Madrid, Njukasëll, Atletiko Madrid, Bajer Leverkusen dhe Bodo/Glimt.
Shorti konsiderohet vendimtar, pasi jo vetëm do të përcaktojë përballjet e raundit të 1/16-ave, por edhe krahun e skuadrave në skemën e turneut. Kjo do të thotë se ekipet do të mund të mësojnë paraprakisht kundërshtarët e mundshëm në çerekfinale, gjysmëfinale dhe finale.
Sipas rregullores, dy skuadra nga i njëjti vend, ose ekipe që janë përballur më herët gjatë fazës së ligës, mund të ndeshen sërish në këtë fazë të garës.
Ndeshjet e para të raundit të 1/16-ave do të zhvillohen më 10 ose 11 mars, ndërsa takimet e kthimit janë planifikuar për 17 dhe 18 mars.
Shorti pritet të sqarojë jo vetëm përballjet e menjëhershme, por edhe panoramën e plotë të garës në fazën më vendimtare të sezonit evropian.
Përballjet e mundshme:
PSG vs Barcelona ose Çelsi
Gallatasaraji vs Liverpul ose Totenhem
Real Madrid vs Sporting Lisbon ose Mançester Siti
Atalanta vs Arsenal ose Bajern Mynih
Njukasëll vs Çelsi ose Barcelona
Atletiko Madrid vs Totenhem ose Liverpu
Bodo/Glimt vs Mançester Siti ose Sporting
Leverkusen vs Bajern ose Arsenal
Lini një Përgjigje