Tirana vuajti shumë ndaj Kastriotit në “Elbasan Arena” por në fund mori një fitore të vyer 1-0. Bardheblutë e nisën me “marshin e pestë” ndeshjen, duke rrezikuar portën e Salit që në minutën e 3 me Hasanin.
Edhe krutanët provuan të “ngacmonin” Bekajn. Stojanoviç goditi nga larg në minutën e 23, por e menjëhershme ishte përgjigja e portierit.
Pjesa e dytë filloi me presionin e skuadrës së Çelës. Stojanoviç mposhti “gardianin” e kryeqytetasve, topi u largua nga Lulaj, që u shndërrua në hero për skuadrën e Shehit.
Goli që vlejti 3 pikë vonoi nuk por nuk mungoi. Hila dërgoi topin pas shpinës së portierit, duke ndezur festën në stadium. Kështu, Tirana kryeson me 59 pikë, 5 më shumë se Partizani. Kastrioti mbyll klasifikimin me 31 pikë.
Egnatia ka arritur një fitore spektakolare kundër Vllaznisë, duke realizuar plot 4 gola në stadiumin “Loro Boriçi”.
Miqtë shkëlqyen në impiantin shkodran duke treguar se janë ekipi më në formë në Superligën shqiptare. Golat u shënuan përkatësisht nga Mëllugja, Duamena, Fernando dhe Xhekson. Pas kësaj ndeshje, Egnatia ngjitet në vendin e tretë me 46 pikë, ndërsa Vllaznia në të katërtin me 42 pikë.