FLASH
Shkruar nga Pamfleti
Ndeshja e luajtur sot mes Flamurtarit dhe Elbasanit, ka shpërthyer në episode dhune pas fitores 0-1 të miqve në Vlorë. Menjëherë pas ndeshjes, ka shpërthyer dhuna dhe kaosi në qytetin bregdetar, mes tifozerive të dy ekipeve.
Në pamjet e siguruara nga A2 CNN, duket se Policia ka ‘blinduar’ zonën përreth stadiumit, për të ruajtur qetësinë mes tifozerive. Tifozët e Elbasanit kanë thyer stolat e stadiumit të Flamurtarit dhe i kanë hedhur ato në rrugë.
Elbasani mori një fitore të rëndësishme në transfertë ndaj Flamurtarit, duke u ngjitur përkohësisht në krye të renditjes me 20 pikë.
Goli vendimtar u shënua nga Lajthia në pjesën e dytë pas një goditjeje me kokë, ndërsa vlonjatët patën pretendime për një penallti që u anulua pas ndërhyrjes së VAR-it. Me këtë humbje, Flamurtari mbetet në fund të tabelës me vetëm 5 pikë.
Në ndeshjen tjetër, Dinamo dhe Teuta ndanë nga një pikë në një duel të fortë dhe të tensionuar, ku munguan rastet e pastra, por jo polemikat. Vendimet e gjyqtarit Klodian Prenga u kontestuan ashpër nga dinamovitët, sidomos pas përjashtimit me karton të kuq të Maliqit.
Barazimi mban të dy skuadrat në garë për katërshen e parë, ndërsa gara për kreun mbetet e hapur, në pritje të sfidës Egnatia–Vllaznia që mbyll javën e dhjetë të kampionatit.
Lini një Përgjigje