FLASH
Shkruar nga Pamfleti
Milani ka mundur 1-0 Veronën dhe është ngjitur përkohësisht në vendin e dytë të renditjes. Një fitore shumë e rëndësishme për skuadrën e Pioli-t, që vinte nga një humbje e turpshme në derbi me Interin.
Heroi i ndeshjes së luajtur sot në “San Siro”, e filluar me 25 minuta vonesë për shkak të motit të keq, ka qenë Rafael Leao.
Portugezi festoi debutimin e tij si kapiten i Milanit nga minuta e parë me një gol në minutën e tetë, duke iu kundërpërgjigjur në mënyrën e duhur kritikave të marra gjatë ditëve të fundit.
Për herë të parë në karrierën e tij, portugezi ka shënuar në tri ndeshje radhazi në Serinë A dhe për herën e dytë në 5 kampionatet kryesore të Europës, pasi e ka bërë një gjë të tillë në katër ndeshje radhazi mes dhjetorit të vitit 2018 dhe janarit të vitit 2019, me Lilën në Ligën 1.
Lini një Përgjigje