FLASH
Shkruar nga Pamfleti
Kombëtarja shqiptare e futbollit ka mësuar kundërshtarët e saj për edicionin e ri të Ligës së Kombeve. E pozicionuar në Ligën C, Shqipëria është shortuar në Grupin C1, ku do të përballet me Bjellorusinë, Finlandën dhe San Marinon.
UEFA ka zyrtarizuar edhe kalendarin e ndeshjeve, duke përcaktuar datat dhe oraret e sfidave që do të zhvillohen gjatë kësaj fushate.
Nisja në shtëpi ndaj Bjellorusisë
Kuqezinjtë do ta nisin aventurën e tyre më 26 shtator, në orën 20:45, me një ndeshje në shtëpi kundër Bjellorusisë. Tre ditë më pas, më 29 shtator, Shqipëria do të udhëtojë drejt San Marinos, ku takimi është planifikuar të nisë po në orën 20:45.
Më 3 tetor, Kombëtarja do të luajë në transfertë ndaj Finlandës, në një sfidë që do të zhvillohet në orën 15:00.
Ndeshjet e kthimit në tetor dhe nëntor
Cikli i ndeshjeve vijon më 6 tetor, kur Shqipëria rikthehet në fushën e saj për t’u përballur me San Marinon, në orën 20:45. Më 12 nëntor, kuqezinjtë do të presin Finlandën në një tjetër përballje të rëndësishme, e cila do të nisë në ora 20:45.
Fushata në grup mbyllet më 15 nëntor, me transfertën ndaj Bjellorusisë, takim i planifikuar të zhvillohet në orën 18:00.
Kalendari i plotë i ndeshjeve të Kombëtares shqiptare në Ligën e Kombeve:
Shqipëri – Bjellorusi, ora 20:45, 26 shtator 2026
San Marino – Shqipëri, ora 20:45, 29 shtator 2026
Finlandë – Shqipëri, ora 15:00, 3 tetor 2026
Shqipëri – San Marino, ora 20:45, 6 tetor 2026
Shqipëri – Finlandë, ora 20:45, 12 nëntor 2026
Bjellorusi – Shqipëri, ora 18:00, 15 nëntor 2026
Me publikimin e kalendarit, Kombëtarja tashmë ka të qartë rrugëtimin e saj në këtë edicion të Ligës së Kombeve, ku objektivi do të jetë një paraqitje sa më konkurruese në Grupin C1.
Lini një Përgjigje