FLASH
Shkruar nga Pamfleti
Skuadra e Lille arriti një fitore të madhe, mesditën e kësaj të diele, teksa në “Stade Pierre-Mauroy” kanë mundur skuadrën e Lorient, me rezultatin e thellë, 3 me 0, në përballjen e vlefshme për javën e 18-të të kampionatit francez të futbollit, Ligue 1, ku protagonist ishte dhe “ylli” i “Dardanëve” të Kosovës, Edon Zhegrova.
Pas 3 golave e 2 asistimeve, në fitoren e thellë, 12 me 0, që skuadra e tij arriti në Kupën e Francës, “fantazisti”, 24-vjeçar arriti të shënojë një tjetër gol, teksa në minutën e 92’-të, të përballjes ndaj Lorient dërgon topin me një goditje nga jashtë zone, duke realizuar një nga “perlat” e kësaj jave në “elitën” e futbollit francez.
Falë këtij rezultati, skuadra e Lille është ngjitur përkohësisht në vendin e pestë me 31 pikë, ndërkohë që ky ishte goli i dytë sezonal në kampionatin francez për Zhegrovën, i cili ka arritur të regjistrojë gjithashtu edhe 4 asistime.
???????? Every goal Edon Zhegrova scores is an absolute beauty!! ????
— Kosovar Football ???????? (@kosovarfootball) January 14, 2024
pic.twitter.com/buJZKeGldu
Lini një Përgjigje