
Kampionati në Kroaci ka mbyllur javën e 5, ku është përcaktuar edhe formacioni i javës. Në këtë 11-she nuk kishte se si të mungonte lojtari i momentit te Hajduk Split, shqiptari Adrion Pajaziti.
Mesfushori 22-vjeçar dha një kontribut të rëndësishëm në barazimin mes Hajdukut dhe Rijekas, 2-2, teksa ekipi i tij kryeson në Kroaci sëbashku me Dinamon e Zagrebit me 13 pikë.
Ky është një tregues pozitiv për Kombëtaren dhe “kambanë alarmi” për trajnerin Silvinjo. Taashmë i takon “timonierit” brazilian për të marrë vendimin nëse do i besojë nga minuta e parë Pajazitit në dy ndeshjet e shtatorit, konkretisht miqësoren kundër Gjibratarit në datën 4 dhe 5 ditë me vonë me Letoninë për kualifikueset e Kupës së Botës.
Lini një Përgjigje