FLASH
Shkruar nga Pamfleti
Armando Broja nuk është përfshirë në listën e Bërnlit në dy ndeshjet e fundit, konkretisht në përballjen ndaj Kristal Palas në kampionat dhe ndaj Mansfild në FA Cup. Deri tani, klubi anglez nuk ka dhënë një shpjegim zyrtar për mungesën e sulmuesit shqiptar.
Sipas një postimi në platformën “X” nga faqja “Albania Football”, Broja po përballet me probleme fizike. Në raportim thuhet se 24-vjeçari ka ndjerë dhimbje gjatë një momenti vrapimi, çka ka vënë në alarm stafin mjekësor të klubit.
Anton Cicani:
— Albanian football???????? (@ALBfootball) February 17, 2026
“Broja feels some pain in his groin when sprinting. He has asked Burnley to let him fix this problem via a special treatment, in order to be ready for Albania’s WCQ play-off vs Poland next month. That’s why he is missing lately” pic.twitter.com/WPKeHlyMrN
Burime jozyrtare bëjnë me dije se lojtari i ka kërkuar klubit leje për të ndjekur një trajtim të specializuar, me synimin për të kapërcyer shqetësimin fizik dhe për të qenë në formë optimale për ndeshjet e Kombëtares shqiptare në muajin mars. Shqipëria do të përballet me Poloninë në fazën “play-off”, një sfidë e rëndësishme e planifikuar për t’u luajtur më 26 mars.
Situata ka shkaktuar shqetësim edhe në kampin kuqezi. Trajneri Silvinjo pritet të ndjekë nga afër gjendjen e sulmuesit, i cili konsiderohet një nga pikat kyçe të repartit ofensiv të Kombëtares. Megjithatë, deri në një reagim zyrtar nga Bërnli apo një njoftim mjekësor, mbetet e paqartë shkalla e dëmtimit dhe koha e rikuperimit.
Në pritje të zhvillimeve të reja, te Kombëtarja shqiptare shpresojnë që Broja të rikthehet në kohë dhe të jetë i gatshëm për përballjen e marsit.
Lini një Përgjigje