Sport31 Maj 2023, 20:53

Shënohen incidentet e para pak minuta para finales së Ligës së Europës, plagosen 3 persona, arrestohen 7 tifozë polakë

Shkruar nga Pamfleti

Shënohen incidentet e para pak minuta para finales së Ligës

Tre tifozë të plagosur dhe shtatë të arrestuar. Është ky vlerësimi fillestar i përplasjeve të ndodhura pasdite në rrugët e Budapestit para supersfidës Roma-Sevilja e vlefshme për finalen e Ligës së Europës.

Policia hungareze tha se një tifoz spanjoll dhe një tifoz suedez u dërguan në spital për trajtim të mëtejshëm. Shtatë të arrestuarit janë të gjithë me kombësi polake, duke konfirmuar frikën e përleshjeve të ultrasve të kombësive të tjera për të nxitur incidente.

Madje, duket se ditët e fundit ka qarkulluar lajmi se ultrasit e Krakovit po përgatisnin një grup huliganësh në Hungari për finalen e Europa Ligës, pasi prej rreth dhjetë vitesh janë protagonistë të përplasjeve me tifozët andaluzianë. Në vitin 2015 ata sulmuan tifozët e Sevijas në Mançester, para ndeshjes kundër Sitit.

roma-sevilja finalja e ligës së europës tifozët polakë