Siti vuan përballë ish ekipit të Brojës, Haland thyen rekordin e bomberëve të mëdhenj të Premier Ligës

Fulhami dhe Mançester Siti dhuruan një ndeshje spektakolare që do të mbahet mend gjatë. E vlefshme për javën e 14 në Premier Ligë, ku u shënuan plot 9 gola, rezultati final 4-5 për Sitin.

Serinë e golave për “Qytetarët” e hapi i zakonshmi Erling Haland, i cili shënoi në minutën e 17-, pas asistit të marrë nga Zheremi Doku. Norvegjezi shkruajti historinë në Premier Ligë, duke u bërë lojtari që arrin shifrën e 100 golave më shpejt se kushdo tjetër. Ky ishte goli i 15 për Haland në këtë sezon në kampionat.

Haland ia ka dalë në ndeshjen e tij të 111 në elitën e futbollit anglez, duke shkatërruar një rekord që mbahej nga Alan Shirer, të cilit i ishin dashur 13 ndeshje më shumë. Herri Kejn, zbret tashmë në vendin e tretë me 141 ndeshje duke nxjerrë jashtë podiumit Serxho Agueron të cilit iu deshën 147 të tilla.

Në minutën e 37, Haland u kthye në asistues dhe Tixhani Reijnders dyfishoi shifrat për Sitin. Në fund të pjesës së parë, Fil Foden shënoi golin e tretë për ekipin e Guardiolës, me një super goditje të fuqishme në kufijtë e zonës së rreptësisë. Në minutat shtesë të pjesës së parë, vendasit ngushtuan shifrat me golin e Smith Rou. Pjesa e parë u mbyll 1-3 për Sitin.

Pjesa e dytë në “Craven Cottage” ishte spektakolare. “Qytetarët” e nisën vrullshëm duke shënuar edhe dy gola të tjerë. Fil Foden shënoi golin e dytë personal në minutën e 48, sërish pas asistit të Haland dhe në minutën e 54 ishte autogoli i Sander Berg, duke i çuar shifrat në 1-5 për Sitin.

Pikërisht atëherë kur u mendua që fati i ndeshjes ishte vulosur, erdhi reagimi i vendasve. Aleks Ivobi shënoi në minutën e 57 një gol tejet të bukur me një goditje perfekte nga distanca. Samuel Çukueze, i ardhur nga Milani në merkaton e verës, shënoi dy gola të bukur në minutat 72 dhe 78, duke ngushtuar shifrat në 4-5. Minutat e fundit ishin vërtet drithëruese për të dy ekipet, rezultati mbeti i pandryshuar deri në fund.

Mançester Siti fiton 4-5 dhe rrit presionin ndaj Arsenalit. “Qytetarët” kanë 28 pikë, dy pikë më pak se “Topçinjtë”, të cilët luajnë nesër ndaj Brentfordit.

mançester siti fulham premier liga

Sport

Humbja turpëruese e Barit ndaj Empolit, sherr i paprecedentë në ajër mes tifozëve dhe lojtarëve të skuadrës italiane (Video)

2 Dhjetor 2025, 22:0922:09Sport

Drita do të përpiqet të realizojë ëndrrën për kualifikim në Ligën e Konferencës, skuadra nga Gjilani vendos rekord të veçantë

2 Dhjetor 2025, 21:4621:46Sport

Gjykata konfirmon dënimin për autorët, 2 të pandehurit shantazhuan familjen e Majkëll Shumaker me 15 mln euro

2 Dhjetor 2025, 21:2321:23Sport

Tifozët goditën futbollistët pas krizës së ekipit, lojtarët “merren para” nga 400 tifozë të tërbuar nga humbja e 6 radhazi

2 Dhjetor 2025, 20:5120:51Sport

Portieri i kombëtares hyn në librat e historisë për arsyen e gabuar, Silvinjo e cilësoi e ardhmja e portës së Shqipërisë (Video)

2 Dhjetor 2025, 20:2520:25Sport

Për herë të parë në “play off”-in e Botërorit, kush janë 8 lojtarët që nuk debutuan me kombëtaren në kualifikueset e Kupës së Botës

2 Dhjetor 2025, 20:0220:02Sport