FLASH
Shkruar nga Pamfleti
Fidel Ylli duket se nuk di të ngopet. Janë miliona fonde që shkojnë për Komitetin Olimpik Shqiptar, por edhe një flamur nuk blejnë dot. Luiza Gega tregoi sot se flamuri i ngritur dje në Paris ishte “fake”, pra prodhim kinez dhe jo origjinali. Lidhur me këtë ka reaguar deputetja e PD, Ina Zhupa, e cila ka shpërthyer në akuza ndaj KOKSH.
Postimi i plotë i Zhupës:
Në Lojrat Olimpike, Shqipëria çon një flamur skandaloz imitim kinez, duke përdhosur dinjitetin kombëtar dhe simbolet kombëtare.
Mungesa e kujdesit dhe seriozitetit për simbolet kombëtare, për Flamurin Kuq e Zi, është një skandal i Komitetit Olimpik Shqiptar. Turp i madh!
Një moment i tillë duhej vlerësuar dhe kuruar me detaje, por mesa duket kujdesen më shumë që të bëjnë foto krah garuesve kur dalin kampion, edhe të mbajnë fjalime për meritat e qeverisë.
Në drejtim të komisionit të edukimit garantoj që cështja e sportit nuk do jetë më një çështje e harruar, e paprekur, por çështje që do trajtohet me rëndësinë e duhur, për peshën që duhet ketë për rininë dhe për krenarinë kombëtare në garimet ndërkombëtare.
Lini një Përgjigje