FLASH
Shkruar nga Pamfleti
Pak orë pas shkarkimit të trajnerit Vangjel Mile, KF Tirana ka gjetur pasuesin në pankinë bardheblu. Tirana ka zyrtarizuar sot emërimin e trajnerit italian Roberto Bordin, i cili do të marrë drejtimin e 26-herë kampionëve të Shqipërisë.
Italiani është një emër i njohur në futbollin italian dhe ndërkombëtar, me eksperiencë të gjerë si trajner. Ai ka drejtuar skuadra si Sheriff Tiraspol, Neftçi Baku, Triestina, si edhe ka qenë trajner i Kombëtares së Moldavisë.
Krahas tij, Tirana ka prezantuar edhe Marco Veronese si zëvendës trajner. Veronese ka një karrierë të gjatë si lojtar dhe trajner, duke qenë pjesë e projekteve serioze në Itali, ndërsa në nivel ndërkombëtar ka shërbyer edhe si ndihmës trajner i Kombëtares shqiptare gjatë periudhës së suksesshme nën drejtimin e Gianni De Biasit. Kjo e bën atë një njohës të mirë të realitetit të futbollit shqiptar.
Klubi bardheblu i ka uruar mirëseardhje dyshes italiane, duke u shprehur optimist për sukseset e ardhshme. Tirana ka marrë vetëm 1 pikë në dy ndeshjet e para, gjë që solli dhe shkarkimin e trajnerit Vangjel Mile.
View this post on Instagram
Lini një Përgjigje