FLASH
Shkruar nga Pamfleti
Vedat Muriqi është prezantuar zyrtarisht si futbollist i ri i Fenerbahçes. Sulmuesi kosovar i dha fund aventurës së tij te Majorka dhe këtë të premte firmosi kontratën me gjigantin e futbollit turk.
Pak minuta pas zyrtarizimit të marrëveshjes, klubi publikoi edhe pamjet e para të Muriqit me fanellën verdheblu, duke konfirmuar rikthimin e tij në një ambient ku ka lënë gjurmë gjatë periudhës së mëparshme.
Fenerbahçe shpërndau gjithashtu një video prezantuese, të shoqëruar me mesazhin: “Disa lidhje nuk mund të rindërtohen, sepse nuk janë shkëputur kurrë.”
Ky mesazh shihet si një tregues i marrëdhënies së veçantë që Muriqi ka ruajtur me klubin dhe tifozët e Fenerbahçes, pavarësisht viteve të kaluara larg Stambollit.
Klubi turk synon të rikthehet në krye të futbollit vendas dhe e konsideron sulmuesin dardan një nga përforcimet kryesore për sezonin e ardhshëm. Për të siguruar shërbimet e tij, Fenerbahçe ka paguar 15 milionë euro, duke realizuar një nga lëvizjet më të rëndësishme të merkatos së verës.
"Bazı bağlar yeniden kurulmaz. Çünkü hiç kopmaz." ???????? pic.twitter.com/kTw7W7YzcD
— Fenerbahçe SK (@Fenerbahce) June 19, 2026
Lini një Përgjigje