FLASH
Shkruar nga Pamfleti
Këtë të dielë kryeqyteti italian do të përjetojë sërish emocionet e derbit mes Lacios dhe Romës. Përveç tifozëve vendas, priten “forca shtesë” nga e gjithë Europa, të cilët mund të përkeqësojnë tensionin në stadiumin “Olimpiko”. Në sektorin e Veriut, të tifozëve të Lacios, priten ultras nga Gjermania, Polonia, Bullgaria dhe Anglia.
Në sektorin e Jugut, të tifozëve të Romës, do të jenë tifozë të lidhur me Greqinë, Spanjën dhe Kroacinë. Këto lidhje historike janë shpesh bazuar mbi afërsinë ideologjike mes dy tifozërive të kryeqytetit. Prefekti i Romës ka kërkuar mobilizim maksimal të policisë dhe kontroll të të gjitha zonave të ndjeshme rreth stadiumit, duke përfshirë pubet dhe vendet tradicionale të takimit të ultrasve.
Autoritetet shpresojnë të shmangin përplasjet masive, si ajo e sezonit të kaluar, kur 400 ultras u përplasën në “Ponte Duca d’Aosta” dhe u sekuestruan kasketa dhe shkopinj. Alarmi është aktiv dhe pritet një derbi me masa të rrepta sigurie, ku çdo incident mund të shndërrohet në përplasje serioze.
Lini një Përgjigje