FLASH
Shkruar nga Pamfleti
Një nga mungesat e mëdha të Shqipërisë në grumbullimin e shtatorit ishte mesfushori Ylber Ramadani. Një virozë dhe përsëritja e një infeksioni në mushkëri bëri që mesfushori të lihej jashtë grumbullimit nga trajneri Silvinjo për duelet ndaj Gjibraltarit dhe Letonisë.
Për fat të mirë, mesfushori raportohet se është kthyer në stërvitje në këto ditë me ekipin dhe sot për të dhe shokët e skuadrës te Leçe, ka qenë një ditë historike.
Kjo, pasi futbollistët e Leçes janë stërvitur për herë të parë në qendrën e re sportive të këtij klubi, në Martinjano, e cila është investimi më i fundit që është bërë për praninë në Serinë A dhe të ardhurat e siguruara në këto vite nga qendrimi në elitë dhe shitja e futbollistëve. Ramadani raportohet se ka marrë pjesë rregullisht në këtë stërvitje të parë dhe pritet të jetë i gatshëm për ndeshjen e fundjavës në kampionat.
Lini një Përgjigje