Anila Denaj

24 Prill 2019, 19:1419:14Aktualitet

17 Janar 2019, 19:4619:46Aktualitet
Anila Denaj “harroi” të thotë, kush do t’i paguaj 70 milionë eurot për PPP e pompave të naftës, dhënë mikeshës An - Aktualitet
Aktualitet16 Korrik 2019, 19:48

Anila Denaj “harroi” të thotë, kush do t’i paguaj 70 milionë eurot për PPP e pompave të naftës, dhënë mikeshës An

Shkruar nga Pamfleti

Anila Denaj “harroi” të thotë, kush do t’i paguaj 70 milionë eurot për PPP e pompave të naftës, dhënë mikeshës Anila Jani

Disa argumente e fakte për kontratën monopol, që ministrja e financave nuk po e publikon; dhe disa pazare të bëra me koncesionarin “NOA Control”, kliente interesash, me gratë e kupolës së pushtetit

Për të justifikuar koncesionin e paligjshëm 70 milionë euro e me afat 20 vite, dhënë për pompat e karburanteve, ministrja e Financa-Ekonomisë Anila Denaj, tentoi të fshehë edhe pasojat e tij në rritjen e çmimeve, për konsumatorët fundorë (qytetarët).

Ajo u detyrua të mashtronte, për disa të vërteta, lidhur me efektet negative, që do sjellë ky koncesion për shqiptarët, të miratuar e firmosur prej saj në kontratën fundore, të cilën zonja ministre refuzon ta publikojë, megjithëse e ka detyrim ligjor, mbasi koncesioni është me pagesë nga taksat publike.


Për të rejat më të fundit behuni pjesë e grupit tonë VIRAL në facebook : PAMFLETI
Ministrja e mohoi faktin, se rritja e çmimeve të karburanteve, do diktohet nga e drejta e dhënë koncesionarit, që gjatë 20 viteve të akvitetit monopol, mund të rrisë tarifat e kontrollit, kolaudimit dhe riparimit të pajisjeve (pompave) ngritëse e shkarkuese, kosto shtesë, që do pasqyrohet në pikat e shitjes.

Ministrja e Financave, si “eksperte” bankash e biznesesh offshore, nuk sqaroi se përse ky shërbim, që me ligj ende në fuqi, duhet bërë vetëm nga Ministria e Energjisë me inspektoratin e saj, siç bëhet në çdo vend të BE, iu dha monopol 20-vjeçar, një biznesi privat.

Ministrja Anila Denaj, nuk sqaroi shqiptarët, se si është mundur, që krejt “rastësisht” këtë koncesion e ka kërkuar pa ia kërkuar shteti dhe e ka përfituar, firma “NOA Control”, me administratore Anila Janin, mikeshë e përbashkët me Linda Ramën, Belinda Ballukun e Rovena Agollin (Gjiknurin)!

Ministrja Denaj, në sqarimin e saj, nuk tha se përse “harroi”, t’i përmendte emrin firmës së huaj konkurrente “Penzoil Trading SA”, të cilën Komisioni Vlerësimit të Oferatve (KVO) në ministrinë e saj,  e spostoi duke ndryshuar 23 kritere të tenderit vetëm 1 ditë para tenderit, në favor të firmës fituese “NOA Control”.

Ministrja, harroi të thotë, se Komisioni i Prokorimit Publik (KPP), në Vendimin Nr.77/2019, datë 07.02.2019, ka konstatuar se PPP e Pompave të Naftës, u pranua si kërkesë, iu dha bonus, u miratua dhe u finalizua, në kundërshtim të plotë me ligjin për prokurorimet, mbasi ky ligj nuk lejon koncesione të “Pa kërkuara” monopol në hidrokarbure.

Ministrja, “harroi” të sqaronte, se përse është shpallur fituesi i këtij koncesioni, përse është hartuar kontrata, kur cështja është në konflikt gjyqsor, akoma për trajtim në gjykatë dhe nuk ka asnjë vendim të formë të prerë nga drejtësia.

Ministrja e financave, “harroi” të sqaronte shqiptarët, se kush do t’i paguajë 70 milionë euro, që do dalin nga buxheti i shtetit, për firmën e këtij koncesioni monopol 20-vjeçar, dhënë mikeshës së saj e të grave të kupolës qeveritare./Pamfleti

Kryesore Anila Denaj “harroi” të thotë dhënë mikeshës Anila Jani kush do t’i paguaj 70 milionë eurot për PPP e pompave të naftës