FLASH

TAGS-AT E DITES

Brilant Martinaj

Na ndiqni edhe në
KONTAKT TE DHENAT PERSONALE COOKIES
Vrasja e trefishtë në Fushë-Krujë, Brilant Martinaj ishte mik i Stresit; Policia shpërblim 30 milionë lekë për identifikimin e autorëve - Kronike

TAGS-AT E JAVËS

Kronike18 Korrik 2022, 07:11

Vrasja e trefishtë në Fushë-Krujë, Brilant Martinaj ishte mik i Stresit; Policia shpërblim 30 milionë lekë për identifikimin e autorëve

Shkruar nga Pamfleti

Policia e Shtetit ka vënë 3 milionë lekë të rinj në dispozicion të atyre që japim informacion për identifikimin e autorëve të masakrës së Fushë Krujës.

“Në kuadër të veprimeve që strukturat hetimore të Policisë së Shtetit po kryejnë në bashkëpunim me Prokurorinë e Rrethit Gjyqësor Krujë dhe agjencitë e tjera të zbatimit të ligjit për zbardhjen e ngjarjes së ndodhur në Fushë Krujë ku mbetën të vrarë me armë zjarri tre shtetas, si dhe në zbatim të detyrave të lëna nga Drejtori i Përgjithshëm i Policisë së Shtetit Gledis Nano gjatë takimit me krerët e DVP Durrës e Tiranë dhe të Departamentit të Policisë Kriminale, për zbardhjen sa më parë të ngjarjes, grumbullimin e informacionit nga qytetarët apo dëshmitarët që mund të kenë parë ngjarjen apo kanë dijeni për autorët, ju informojmë se:

Policia e Shtetit ka vënë menjëherë në dispozicion për çdo informacion të vlefshëm që do çojë në zbardhjen e ngjarjes, 3 milionë lekë të rinj.

Policia e Shtetit fton qytetarët që të bashkëpunojnë me strukturat policore në interes të rritjes së parametrave të rendit e sigurisë dhe të parandalimit të ngjarjeve kriminale që cënojnë jetën dhe pronën e qytetarëve.”, njofton policia.

Ndërkohë reperi Arkimed Lushaj, i njohur me emrin e artit Stresi, ka reaguar në lidhje me vrasjen e mikut të tij Brilant Martinaj.

Përmes një postimi në Instastory, Stresi ka ndarë bisedën e fundit me Martinaj, ku shihet se ata janë shumë të afërt me njëri tjetrin.

“Zemra e vllait, krejt botën ma përmbyse”, shkruan Stresi në mbishkrimin e fotos.

Pak më herë u publikua dhe një video ku këngëtari shihet nën shoqërinë e Martinaj në një berberhane në Kosovë.

22-vjeçari u ekzekutua në një atentat së bashku me miqtë e tij Besmir Hoxha dhe Diklen Vata.

Ndaj makinës me të cilën lëviznin tre të rinjtë u qëllua me breshëri kallashnikovi rreth 50 herë, duke bërë që mjeti të shpërthente në flakë. Në të u dogjën brenda Martinaj dhe Hoxha, ndërkohë që Vata mundi të dalë nga makina, por që nuk u la i gjallë nga atentatorët të cilët u kthyen dhe e ekzekutuan.

Kronike

Kronike