FLASH

TAGS-AT E DITES

ermir gërxhani

Na ndiqni edhe në
KONTAKT TE DHENAT PERSONALE COOKIES
Ermir Gërxhani, trafikanti i rikthyer në polici me letra false, graduar Kryekomisar e Shef Komisariati - Anti-Mafia

TAGS-AT E JAVËS

Anti-Mafia 5 Mars 2023, 15:06

Ermir Gërxhani, trafikanti i rikthyer në polici me letra false, graduar Kryekomisar e Shef Komisariati

Shkruar nga Pamfleti
Ermir Gërxhani, trafikanti i rikthyer në polici me letra false,
Ermir Gërxhani

 

Rikthimi i këtij “monstre”, megjithëse u përjashtua për 11.6 ton drogë në 12 parcela kur ishte Shef Komisariati në Përmet, është provë e qartë dhe e rëndë se Policia e Shtetit është kapur dhe komandohet nga grupet kriminale

Prej disa kohësh, ndërsa flitet për pastrimin e Policisë së Shtetit nga shefat e korruptuar e të lidhur me krimin, Drejtori Muhamet Rrumbullaku, ka emëruar Shef Komisariati në Kuçovë, Ermir Gërxhanin, krye-trafikantin e drogës të përjashtuar nga policia.

Ky personazh, u përjashtua nga policia më 9 prill 2017, kur ishte Shef Komisariati në Përmet, pasi pas shumë denoncimeve dhe 3 muaj hetime e përgjime nga Anti-krimi, Prokuroria e SHÇBA, kryekomisar Ermir Gërxhanit u kap në flagrancë me 11.6 ton drogë në një magazinë në fshatin Piskovë të Përmetit dhe 12 parcela të mbjella në kodra.

Ermir Gërxhani, trafikanti i rikthyer në polici me letra false,

Pas përjashtimit nga policia, u kallëzua në prokurorinë e krimeve të rënda, por pak para daljes së urdhrit të arrestimit, me lobim financiar të Pëllumb Salillarit si “tutor” i tij, dosja kaloi për gjoja ri-hetim e është lënë në harresë.

Në vitin 2021, po me lobim të Pëllumb Sallarit te ish-drejtori Ardi Veliu, me shpërblim 1 banesë në Farkë, trafikanti Ermir Gërxhani u rikthye në Policinë e Shtetit si “Specialist Anti-droge”.

Por Pëllumb Sallillarit, i duhej që “ushtarin” e tij ta kishte Shef Komisariati në Kuçovë, ku “Salillarët” kanë parcelat e drogës; dhe në pazar me Edi Ramën e arriti ta emëronte atje, ndërsa Muhamet Rrumbullaku firmosi letrat formalisht.

Rikthimi i tij në polici, 4 vite pas përjashtimit për 11.6 ton drogë kur ishte Shef Komisariati, është provë e qartë se policia është kapur e drejtohet nga grupet kriminale.

Po kështu, është provë krimi e rëndë, që tregon se si drejtuesit e lartë të Policisë së Shtetit, rikthejnë në polici trafikantët e drogës, duke zhdukur e falsifikuar dosjet dhe shpërfillur ligjin.

Më konkretisht, në nenin 49 të Ligjin nr. 108/2014 “Për Policinë e Shtetit, thuhet: - Një person mund të rikthehet në polici, vetëm nëse ai ka ndërprerë marrëdhëniet e punës brenda 2 viteve të fundit dhe është liruar për shkurtim të funksionit, ose në pakësim të strukturës organike.

Ermir Gërxhani, trafikanti i rikthyer në polici me letra false,

Së pari, Ermir Gërxhani është rikthyer në polici, megjithëse është përjashtuar sepse iu kap 11.6 ton drogë në një magazinë të tij dhe 12 parcela të mbjella që kontrolloheshin po prej tij.

Së dyti, edhe nëse do ishte larguar nga policia për shkurtim vendi pune, ligji e ndalon të rikthehet, sepse ai ka qenë 4 vite jashtë policisë, i punësuar shef rojesh te kompania “Salillari”.

Skandali thellohet më tej, kur mëson se 3 ditë pas rikthimit në polici, ish-drejtori Ardi Veliu i ka dhënë gradën “Kryekomisar”, kur sipas nenit 55, pika “e” të ligjit, ndalohet t’i jepet çdo lloj grade, nëse ndaj tij ka pasur qoftë edhe procedim disiplinor për shkelje të rëndë.

Rikthimi i tij në polici dhe ri-gradimi, konsiderohet shkelje e rëndë ligjore edhe nga rregullorja e Policisë së Shtetit, të cilën Muhamet Rrumbullaku u betua se do ta zbatonte me korrektesë, por me emërimin e krye-trafikantit Ermir Gërxhani Shef Komisariati në Kuçovë, tregoi se zbaton “Kodin e mafies”, ndoshta dhe “kodin e çekut” të Pëllumb Salillari.

E themi këtë, sepse Rrumbullaku ia di bëmat Ermir Gërxhanit, mbasi dosjen si i përjashtuar nga policia, ia ka pasur në sirtar nga janar 2019 deri më 6 shtator 2022 kur ishte Drejtor i SHÇBA.

Sa për saktësim, për rikthimin e çdo personi në polici, Drejtori i Policisë, merr vlerësim paraprak ka nga Drejtori i SHÇA. A ka marrë Ardi Veliu vlerësim te Muhamet Rrumbullaku?

Kreu i SPAK, Altin Dumani, duhet të fillojë hetimin për procedurat dhe letrat e rikthimit të krye-trafikantit Ermir Gërxhani në Polici, gradimin Krye-komisar dhe emërimin Shef Komisariati në Kuçove, duke i kujtuar se drejtor aktual i SHÇBA është Ardi Veliu që e riktheu. /Pamfleti

ermir gërxhani trafikanti i rikthyer në polici pëllumb salillari

Anti-Mafia