liridona murseli

Vrasja e Liridona Murseli, Evi Kokalari: Krim që kalon çdo kufi, ëngjëjt e tu nuk e meritonin këtë traumë - Kosova
Kosova 2 Dhjetor 2023, 07:35

Vrasja e Liridona Murseli, Evi Kokalari: Krim që kalon çdo kufi, ëngjëjt e tu nuk e meritonin këtë traumë

Shkruar nga Pamfleti

Vrasja e Liridona Murseli, Evi Kokalari: Krim që kalon çdo kufi,

Aktivistja Evi Kokalari ka reaguar për ngjarjen e rëndë në Kosovë, ku Naim Murseli inskenoi vrasjen e gruas së tij Liridona Murseli. Me anë të një postimi në Facebook, Kokalari shkruan se e njihte çiftin dhe kishte kontakte me ta, pasi ishin mbështetës të Trump. Kokalari shprehet se nuk e kupton se çfarë e shtyu Naim Murselin të vriste bashkëshorten, por djemtë e tyre nuk e meritonin këtë ngjarje të rëndë.

Postimi i Plotë:

Jam super e shokuar me ngjarjen e Naim Murselit, për më tepër që e kam njohur personalisht. Ka qenë gjithnjë pro-Trump dhe kemi komunikuar shpesh. E kam të vështirë të kuptoj çfarë mund ta ketë shtyrë ta bëj diçka të tillë. Dukeshin çift i lumtur me dy fëmijë të bukur. Sapo kishin mbaruar shtëpinë e tyre në Prishtinë ndërkohë që për një kohë të gjatë kanë jetuar në Suedi. E vetmja gjë që bën pak logjikë, është se ndoshta Liridona ka pasur 'life insurance' në Suedi, gjë që është bërë shumë herë shkak për vrasje të bashkëshortëve në Amerikë. Ndryshe, çfarëdo situatë të kishin mes tyre, divorci nuk është i vështirë për t'u bërë. Por vrasja e mamasë së fëmijëve të tu dhe për më tepër në sy të të miturve, është një krim që kalon çdo kufi. Ka momente që uroj se nuk është e vërtet dhe se Naimi vet do e verifikoj që ndoshta vrasësi ka gënjyer, por të ulta më duken shanset. E vetmja gjë që ngelet për të thënë në këtë pikë është RIP Liridona dhe Zoti qoftë me ëngjëjt e tu që nuk e meritonin këtë traumë.

Si ndodhi ngjarja?

Familja Murseli dyshohet se u përballën fillimisht me disa grabitës, të cilët u morën sendet me vlerë dhe më kanë qëlluar me armë. Njëri nga plumbat ka prekur 33-vjeçaren, Liridona Murseli duke e lënë të vdekur në vend. Kjo ngjarje ka tronditur jo vetëm familjen Murseli, por të gjithë opinionin publik. Policia njoftoi se dhe hetimet tashëm kanë nisur për të zbardhur rrethanat dhe motivet e rastit. Naim Murseli, para zyrtarëve policorë për ngjarjen tragjike u ka thënë hetuesve se ndodhej bashkë me gruan dhe fëmijët në makinë, kur papritmas u kanë zënë pritë me një tjetër automjet disa grabitës, të cilët i grabitën. Murseli u ka thënë hetuesve policorë se grabitësit fillimisht u kanë kërkuar gjërat me vlerë, duke marrë paratë dhe telefonat. Ai është shprehur se në këtë situatë të tmerrshme është detyruar të largojë fëmijët nga makina, por aty mbeti bashkëshortja e cila u vra me armë zjarri. Autorët dyshohen të kenë qenë 2 persona. Njëri prej tyre ka qenë i armatosur ndërsa tjetri drejtonte automjetin tip BMë me targa të huaja.

evi kokalari liridona murseli