Protesta e opozitës/ Ndërkombëtarët mesazh opozitës dhe policisë: Shmangni dhunën, protesta paqësore - Aktualitet
Aktualitet 8 Qershor 2019, 17:23

Protesta e opozitës/ Ndërkombëtarët mesazh opozitës dhe policisë: Shmangni dhunën, protesta paqësore

Shkruar nga Pamfleti
Protesta e opozitës/ Ndërkombëtarët mesazh opozitës dhe

Protesta e opozitës/ Ndërkombëtarët mesazh opozitës dhe policisë: Shmangni dhunën, protesta paqësore

Vetëm pak orë para protestës së opozitës faktori ndërkombëtar ka reaguar një zëri për të protestuar paqësisht.

Selitë kryesore diplomatike në vendin tonë, i bëjnë thirrje opozitës dhe policisë që të mos përdorin eksplozivë ose ndonjë send tjetër për të shkaktuar lëndime pasi ky akt është krejtësisht i papranueshëm. Ata i drejtohen drejtpërdrejtë liderëve politikë që të mbajnë përgjegjësi si për sigurinë e pjesërmarrëve ashtu edhe për banorët e Tiranës, duke parandaluar përshkallëzimin e protestave.

Deklarata e Ambasadës Gjermane: 

Ndërkohë që respektojmë plotësisht të drejtën themelore të qytetarëve shqiptarë për të demonstruar, ritheksojmë rëndësinë e ushtrimit të kësaj të drejte në mënyrë të rregullt dhe paqësore.

Ne dënojmë të gjitha aktet e dhunshme që kanë ndodhur në protestat e mëparshme. Asnjë formë e nxitjes së dhunës nuk është e tolerueshme. Përdorimi i eksplozivëve ose i ndonjë sendi tjetër të projektuar për të shkaktuar lëndime është krejtësisht i papranueshëm. Është përgjegjësi e drejtuesve të protestës të sigurojnë që demonstrimet të mbahen në mënyrë të sigurt si për pjesëmarrësit ashtu dhe për banorët e tjerë Tiranës, si dhe për të shmangur çdo përshkallëzim gjatë protestave. Autoritetet e zbatimit të ligjit gjithashtu kanë përgjegjësi për të vepruar me përmbajtje, edhe nëse provokohen.

Ne vazhdojmë t’i bëjmë thirrje të gjitha palëve të angazhohen urgjentisht në një dialog konstruktiv për të kapërcyer situatën aktuale politik

Më herët kanë reaguar edhe  zëvendës Ndihmës-Sekretar i Shtetit në SHBA, Matthew Palmer, Bashkimi Europian dhe ambasada Britanike në Tiranë.

Aktualitet Protesta e opozitës/ Ndërkombëtarët mesazh opozitës dhe policisë: Shmangni dhunën protesta paqësore